Dawe de sọ́ ohí ahọ́tọnọ etọn owhe 23 mẹvi bọ e kú to Awọnlin

Oguzangbe, Lidosun 11, 2023

Mí sè dọ ponọ ayimatẹn Awọnlin tọn lẹ ko wle dawe de, Bitrus Wurawa, na e sọ́ ohí dawe owhe 23 mẹvi de, Ezekiel Yohana, bọ e kú to ahì Kara tọn to lẹdo Ibeju-Lekki ayimatẹn Awọnlin tọn mẹ. Wurawa yin zize yi whẹdọtọ P.E Nwaka nukọn gando whẹho mẹhuhu tọn go to Yọnnuzangbe

Dodinnanu he linlin-kàntọ lẹ basi dohia dọ matintọ lọ yàn akuẹ N14,000 to whẹhutọ lọ si to Alunlunsun bosọ dopà nado sú ahọ́ lọ to osẹ̀ vude godo, ṣigba e gbọawupo nado sú akuẹ lọ, dile e tlẹ yin dọ whẹhutọ lọ ko biọ akuẹ etọn whla susu do.

E yin didọ dọ ye omẹ awe lẹ pé to ahì Kara tọn mẹ to azán 8tọ Whejisun he yin nujijọ lọ sin azán ji bọ Yohana biọ akuẹ etọn. Ehe wẹ dọn avùn to ye omẹ awe lẹ ṣẹnṣẹn, bọ e sọ yin didọ dọ matintọ lọ dọn ohí nado sọ́ omẹ awetọ ṣigba whẹhutọ lọ hò ohí lọ yí sọn e si bo sọ́ ẹ to nẹgbé po alọ po.

Kunnudetọ lẹ he mọ dile ohùn to kinkọ̀n sọn matintọ lọ go do yawu zé e yi dotowhe daho Epe tọn fie e yin didọ dọ gbọn Doto dali dọ e ko kú te. Whẹdatọ dọ whẹhutọ ni yin gigọ̀ do gànmẹ, dile owhẹ̀ lọ ko yin sisẹ do azán 5tọ Nuwhàsun, 2023.

Asisa lẹ

• Naomi Chima." Man stabs 23-year-old debtor to death in Lagos". — Punch. April 11, 2023
• Amarachi."Man Stabs Debtor To Death In Lagos". Tori.ng. April 11, 2023