Jump to content

Dawe de po asi etọn po visunnu etọn po he jei Abia kú to asidan de whenu to Ondo

Sọn Wikilinlin

Ahọluzangbe, Lidosun 28, 2023

Dawe de he nọ yin yiylọ dọ Baba Dara po asi etọn po visunnu etọn po ko hẹn ogbẹ̀ yetọn to asidan de he jọ to Village 49 whenu, sẹpọ lẹdo Onipetesi tọn mẹ to ali he tọ́n sọn Sagamu yì Ore ji to ayimatẹn Ondo tọn.

Linlin lẹ dohia dọ Baba Dara he bẹ whẹndo etọn do mọto Sienna de mẹ to Azangaagbe bo to nukọn na húnkuntọ awe he to mọto voovo awe kùn jei ayimatẹn Abia tọn na tito ṣiọdidi tọn de.

To whenue yé to ali ji jei, mí se dọ Baba Dara, he to húnkun to nukọn na mọto he pò lẹ mọ odò de to nukọn to lẹdo Village 49 tọn sẹpọ lẹdo Onipetesi tọn mẹ to ali daho lọ ji, bo tẹnpọn nado nọte to ajiji mẹ, mọto he ja to godo sọ ẹ sọn godo, ehe zọn bọ e ma penugo nado deanana mọto lọ ba bo wá dli biọ ogàn he gbò ali lọ do awe mẹ.

Kunnudetọ de he mọ nujijọ lọ he dọ emi nọ yin Akindele dọdọ mọto he kùn Baba Dara te flí to whenue e dli biọ ogàn he gbò ali lọ do awe lọ mẹ godo, e yidogọ dọ nujijọ lọ hù ewọ po asi etọn po ovi etọn po.

Akindele dọdọ, "Asidan lọ jọ to nudi ogàn 10 afọnnu tọn mẹ to whenue n'to kọ̀lẹ sọn Akure podọ asidan lọ hù atọ̀n to apadewhe whẹndo lọ tọn lẹ mẹ.

"Sọn nue n'se lẹ mẹ, asidan lọ jọ to whenue dawe de, he mí wá yọnẹn taidi Baba Dara, bẹ asi etọn po ovi etọn po, po hẹnnumẹ devo delẹ po do mọto Sienna de mẹ podọ mọto awe devo sọ jà to godo yetọn. Yemẹpo jei núwiwa ṣiọdidi tọn de tẹnmẹ to ayimatẹn Abia tọn."

"Húnkuntọ diẹ lẹ he dopo to yé mẹ to mọto Sienna kùn bẹ takín po ahàn lẹ po, awetọ he to Toyota SUV de kùn bẹ tevi po atin-sinsẹ́n lẹ po gọna akokoe po nudevo lẹ po. Baba Dara to nukọn na mọto awe he pò lẹ to whenue e tẹnpọn nado nọte to ajiji mẹ nado dapana odò de to lẹdo Village 49 tọn mẹ podọ to mọwiwa whenu, mọto Sienna he to godo etọn sọ̀ ẹ podọ húnkuntọ he to Toyota SUV lọ kùn lọsu sọ̀ Sienna lọ ga."

Asisa lẹ

[jlado | jla asisado]