Dawe de he tindo ovi atọ̀n yin sòdedo to Rivers to whenue e to anadena yigọyigọ mọto tọn

Oguzangbe, Lidosun 4, 2023

To Sibigbe whèjai, sòhẹntọ he ma yin yinyọnẹn delẹ he sọnú taidi ponọ dèso do dawe de he yin yinyọnẹn taidi Chukwuka Monye bo hùi to aliplitẹ̀n Rumuokoro tọn, to lẹdo gandudu dokọ̀ tọn Obio/Akpor tọn mẹ to ayimatẹn Rivers tọn.

E yin didọ dọ matintọ lọ, he nọ wazọ́n taidi mẹdezejotọ de he nọ deanana yigọyigọ mọto lẹ tọn, to anadena yigọyigọ mọto tọn to Rumuokoro, he yin lẹdo de to Port Harcourt , to whenue nujijọ lọ wá aimẹ to ogàn ṣidopo mẹ whèjai.

E yin didọ dọ e to gigọalọ nado deanana sẹkli-masẹ he jikun sinsinyẹn de fọndote to whenue dopo to sòhẹntọ he sọnú taidi ponọ lọ lẹ mẹ dèso do e.

Asisa nudọnamẹ lọ tọn de he ma jlo dọ yinkọ emitọn ni yin zinzinjẹgbonu na whẹho hihọ tọn wutu dọdọ matintọ lọ tindo wiwọ́ po nuhọtọ delẹ, ṣigba bo ma sọgan dọ po nujikudo po dọ omẹ lele lẹ wẹ.

E dọdọ, "Nuhe n'se wẹ yindọ Chukwuka to nudọ̀n hẹ nuhọtọ delẹ, ṣigba n'ma yọnẹn eyin ponọ lẹ wẹ yé yin kavi lala."

Linlin lẹ dohia dọ oṣiọ lọ wá yin zize sẹ sọn otẹn lọ mẹ gbọn ponọ lẹ dali bo yin zize sọyi fie oṣiọ lẹ nọ yin bibẹ do de to Port Harcourt.

Asisa lẹ

• Dennis Naku. "Rivers father of three shot dead while controlling traffic". — Punch. April 4, 2023
• Lasaki Eniola. "Rivers father of three shot dead while controlling traffic". — Gistreel. April 4, 2023