Dawe de he họ́n sọn gànmẹ to Abuja yin wiwle to whenuena e yì fìn zokẹkẹ to Nasarawa
Azangaagbe, Lidosun 12, 2023
Ponọ ayimatẹn Nasarawa tọn lẹ ko wle danuwatọ de he họ́n sọn gànmẹ to owhe he wayi to Abuja.
To nudọnamẹ he linlinzọnwatọ mitọn lẹ mọyi to Lafia mẹ, to tatọ-tẹnnọ ayimatẹn lọ tọn to Sẹgbe wẹ hoyidọtọ na ponọ ayimatẹn lọ tọn lẹ DSP Rahman Nasel dike na mi ni yọnẹn dọ Salisu Buhari wẹ gantọ́ he họ́n lọ nọ yin bo ka yin owhe ko-nukunẹnẹ mẹvi bo sọ yin vijiji ayimatẹn lọ tọn.
Nansel sọ dọ dọ ponọ lẹ sọ wle mẹ de he nọ yin Zubeiru Ali he nọ kọnawudopọ hẹ Buhari do nọ fin zokẹkẹ to lẹnu gandudu dokọ Nasarawa tọn lẹ mẹ to ayimatẹn lọ.
Hoyidọtọ ponọ lẹ tọn dọmọ "to Lidosun azan ṣidopotọ owhe fọtọ́n donu awe po ko-nukunatọn po tọn to nudi ogàn aomẹ zanmẹ tọn ponọ he to azọnwa to ponọpa Nasarawa tọn mẹ lẹ yi wle Zubairu Ali he yin owhe koatọ́n-nukunawe mẹvi po Salisu Buhari po he yin owhe Konukunẹnẹ mẹvi de po to whenue yé yí fin zokẹkẹ to gandudu dokọ tọn Nasarawa tọn mẹ.
Dodinnanu susu lẹ wẹ dohia dọ ajotọ́ awe ehelẹ wẹ to zokẹkẹ fin to lẹdo gandudu dokọ tọn Nasarawa tọn mẹ po gbetato he lẹ doe lẹpo mẹ.
To whenuena yé kanhose e, Salisu Buhari yigbe dọ emi họ́n sọn gànpa Kuje tọn mẹ to owhe he wayi to whenuena danuwatọ delẹ wa gbà Ganpamẹ lọ mẹ.
To whenuena hoyidọtọ ponọ ayimatẹn lọ tọn lẹ tọn to avase na danuwatọ lẹ nado tọ́n sọn Ayimatẹn Nasarawa tọn mẹ lọ, e yi dogọ dọ Ponọ-gán ayimatẹn lọ tọn Maiyaki Baba ko nagbe dọ ye ni ze owhẹ̀ ajotọ́ lọ lẹ tọn sọyi fihe dodinnanu lẹ nọ yin bibasi ganji te to Lafia yedọ State Criminal Investigation Department nado yi basi dodinnanu lẹ dogọ gando whẹho lọ go.
Asisa lẹ[jlado | jla asisado]
- Collins Sunday. "Abuja prison fleeing inmate caught in Nasarawa stealing motorcycles". — Punch. April 10, 2023
- Umar Muhammed. "Police Arrest Another Kuje Jail Escapee In Nasarawa". — Daily Post. Apr 9, 2023