Dawe de hù otọ́ etọn na ahọ́ N70,000 wutu
Sibigbe, Zósun 2, 2023
Dawe owhe 38 mẹvi de he nọ yin Mathew Ifeanyi hù otọ́ etọn na whẹho akuẹ tọn he ma hugan naira fọtọn 70 he yin bibẹdo alọ etọn mẹ.
Ogbẹ́ So-Safe tọn he tin to ayimatẹn Ogun tọn mẹ dọmọ, eyin wiwle whenue e ko hù otọ́ etọn podo asíọvi po godo.
Awhàngán ponọ So Safe Corps tọn, Soji Ganzallo dọna linlinwe DAILY POST tọn to azangaagbe dọmọ, nujijọ lọ wa aimẹ to Oguzangbe, avivọsun 29, to 1, ibikunle st, Diamond Estate, to Olorunda-waji, Ntabo, Ijoko to gandudu dokọ Ado-Odo/Ota tọn.
Sọgbe hẹ nuhe Ganzallo dọ, Ponọgán Alabi Gafar mẹhe yin ponọgán Alade/Atago/Ntabo Divisional Command tọn ko mọ nudọnamẹ lọ yi dọmọ, dawe de to yinyangbe otọ́ etọn tọn podo ohí de po.
Ganzallo dọmọ, tlolo he ponọ lẹ sè wẹ yé gbàjẹgbonu nado whlẹ́n mẹjitọ owhe 100 mẹvi lọ, yèdọ Anthony Nnadike he do hudo alọgọ tọn podọ nado wle ovi etọn sunnu lọ.
"Po awubla po, nado jẹ nujijọ lọ tẹnmẹ, mẹhe go nujọ do lọ ko yin zize yi dotowhé daho na awugble lọ sù sọmọ wutu, kakajẹ ojlẹ delẹ godo he e wa yin hinhẹn zun yinyọnẹn gbọn dotozọ́nwatọ de dali dọ e ko basi matintọ."
Ganzallo dọmọ, danuwatọ lọ wa yin wiwle to godo mẹ bọsọ yin hókanse.
To dodinnanu gando danuwatọ lọ go de mẹ, e dọmọ, nugomape otọ́ emitọn tọn nado gọ̀ akuẹ naira fọtọn 70 lọ jo ehe zọn bọ emi masọ dejidego ba sọn azán 22tọ Liyasun owhe 2022 tọn mẹ wẹ yin whẹwhiwhẹn na nuwiwa emitọn.
Hóyidọtọ ponọ So-Safe tọn lẹ tọn, Moruf Yusuf dọmọ, danuwatọ lọ ko yin siséhlan Tatọtẹnnọ Ponọ lẹ tọn to Sango na dodinnanu dogọ.
Asisa lẹ
[jlado | jla asisado]- Olumide Taiwo. "Man kills dad over N70,000 debt"—Punch. August 31, 2023.
- Kehinde Folarin. "Man hacks 100-year-old father to death over N70,000 debt in Ogun"—PoliticsNigeria. August 30, 2023.