Dawe de dona sẹ̀ngàn na owhe atọ́n na amàsin adínọ bibẹ yì togodo wutu
Tẹnigbe, Whejisun 6, 2023
To Ahọluzangbe he wayi, Whẹ̀datẹn Daho Tohọluduta Awọnlin tọn dawhẹ̀ na Oyeyemi Sharafadeen, dawe owhe 55 mẹvi de, nado sẹ̀ngàn na owhe atọ́n na amàsin adínọ bibẹ yì togodo wutu.
Sharafadeen yin hinhẹn yì owhẹ̀ nukọ̀n na owhẹ̀ voovo atọ̀n wutu.
Yè mọ Tramadol, Rophynol po Ecstasy po to kolí he yè doagbàn etọn jei togodo lẹ, he tindo ohia FHC/L/79c/23 lọ mẹ.
Linlinwe The News Agency of Nigeria tọn na linlin dọ e vẹvẹ to Whẹ̀datọ Chukwujekwu Aneke nukọ̀n dọ emi mọdona.
To ovẹvivẹ etọn godo, whẹ̀datẹn lọ, gbeje nugbo he to owhẹ̀ lọ mẹ lẹ pọ́n, bọ whẹyidọtọ Augustine Nwagu, hẹn kunnudenu voovo wá nado dohia dọ e huwhẹ̀.
Whẹ̀datẹn lọ yigbe dọ nugbo wẹ kunnudenu lọ lẹ yin.
Azọ́nwatẹn lọ dọ dọ to whenu yé to agbàn he na yin didohlan Dubai le gbeje pọ́n, yé mọ dọ amàsin adínọ Tramadol, Rophynol po Ecstasy po to kolí-gban Sharafadeen tọn mẹ, ehe tunafọ osẹ́n NDLEA tọn 2004 tọn to Adà 20(2)(a) tọn mẹ ji.
Asisa lẹ[jlado | jla asisado]
- Agency Report. "Man jailed five years for drug trafficking". — Punch. March 4, 2023
- Sandra Umeh. "Lagos man Sharadeen jailed 5 years for trafficking in tramadol, others". — PM News. March 3, 2023