Dawe awuwhàntọ Adamawa-nu de hò asi hoho etọn jẹ kúdonu
Tẹnigbe, Nuwhàsun 8, 2023
To Sibigbe, ponọ he to ayimatẹn Adamawa tọn lẹ wle dawe owhe 56-mẹvi de he nọ yin Aminu Abubakar, na whẹsadokọnamẹ lọ dọ e hò asi owhe 38-mẹvi etọn he e ko jodo kakajẹ kúdonu.
Dawe lọ, he nọ nọ̀ lẹdo Lelewaji, Shagari Phase 2 tọn mẹ, to lẹdo gandudu dokọ̀ tọn Yola South tọn mẹ, ko yin whẹsadokọna dọ e hù Nana Fadimatu, to whenue e pò azán dopo na ẹn nado wlealọ hẹ asu yọyọ etọn.
Sọgbe hẹ dodinnanu ponọ lẹ tọn, mẹhe yin whẹsadokọna lọ ko tin to wiwọ́ hẹ matintọ lọ na ojlẹ dindẹn.
E sọ yin ayidego dọ yé omẹ awe lẹ ko magbe nado klan.
E yin didọ dọ etomọṣo, Abubakar wá jẹ awuwhàn ji to whenue e wá se dọ asi etọn he e ko dovọ́na, he ka gbẹ to owhé etọn gbe nọ̀, jlo na wlealọ hẹ dawe de he nọ yin Mahmud Rufai.
Yé dọdọ opò de wẹ e ze bo lì nawe lọ.
SP Suleiman Nguroje, he yin hoyidọtọ ponọ lẹ tọn to ayimatẹn lọ mẹ, dọdọ "Na e gblehomẹ gando nudọnamẹ lọ dọ Nana jlo na dà asu yọyọ devo wutu, e tọ́navùn in to Nuwhàsun 5, 2023, to nudi ogàn ao mẹ zánmẹ, bo yí huhlọn do linú in po onú sinsinyẹn de po, podọ e jai bo bà ede mẹ pò podọ to ojlẹ kleun de godo yé dọ e ko kú."
Nguroje dọdọ mẹhe yin whẹsadokọna lọ, he ko yin wiwle, na yin whẹ̀dana to whenue yé ko basi dodinnanu lẹ ganji godo.
Asisa lẹ
[jlado | jla asisado]- Hindi Livinus. "Jealous Adamawa man beats ex-wife to death". — Punch. May 8, 2023
- "Police arrest husband who beat wife to death in Adamawa state". — TVC News. May 8, 2023