Dawe awe delẹ zanhẹ viyọnnu tokunọ dé to Nasarawa

Sẹgbe, Whejisun 12, 2023

Ponọ ayimatẹn Nasarawa tọn lẹ ko wlé omẹ awè he yè sawhẹ̀dokọna dọ yé zanhẹ viyọnnu owhe 15 mẹvi de gánnugánnu.

Ponọ he penukúndo nudọnamẹ zize do tòji ponọ̀ ayimatẹn lọ tọn go, DSP Ramhan Nansel, dọ to hodidọ de mẹ to Ahọluzangbe dọ tokunọ̀ he viyọnnu lọ yin wẹ zọn bọ yé do tafu i.

Nansel dọ dọ, "To azan awetọ Whejisun, owhe 2023 tọn, to nudi ogàn ṣidopo daa whejai tọn mẹ, yè jẹ owhẹ̀ sunnu awè delẹ Aminu Hashimu, owhe 24 mẹvi, po Lukman Dogara, owhe 18 mẹvi de po tọn na mí to ponọpá Obi tọn mẹ dọ yé blasé bo zanhẹ viyọnnu owhe 15 mẹvi de gánnugánnu. Sunnu awè lọ lẹpo wá sọn Aliklán Owolosho tọn mẹ to gandudu dokọ tọn Obi tọn mẹ to ayimatẹn Nasarawa tọn mẹ.

"To linlin enẹ sise godo, ponọ he to ponọpá Obi tọn mẹ lẹ bẹ dodinnanu jẹeji to afọdopolọji bosọ jẹ omẹ lọ lẹ dín ji.

"Dodinnanu jẹnukọn he yé basi dohia dọ dawe lọ lẹ klọ́ viyọnnu lọ, he yin tokunọ de, biọ owhé yetọn he to Aliklán Okpe tọn ji, to Obi, gbe, bo zanhẹ gánnugánnu.

Hoyidọtọ ponọ lẹ tọn lọ dọ dọ, viyọnnu lọ ko yin zize sọyi dotówhe to afọdopolọji nado yin gbigbejepọn to nujijọ lọ godo.

E yidogọ dọ Anadenanutọ Ponọ ayimatẹn lọ tọn lẹ tọn, Maiyaki Baba, kò degbe dọ dodinnanu kitokito ni yin bibasi do whẹ̀ho ehe ji.

Asisa lẹ

• Collins Sunday. "Two men gang-rape deaf teenager in Nasarawa". — Punch. March 11, 2023
• David Odama. "Two in police net for raping deaf teenager in Nasarawa". — Vanguard. March 11, 2023