Dawe Ondo-nu de yin mimọ kúdaa-gbẹ̀daa to ohọ̀ mẹ bọ asi po ovi etọn po ko basi matintọ
Tẹnigbe, Whejisun 13, 2023
Ponọ-gán ayimatẹn Ondo tọn to Sibigbe dọ dọ dodinnanu ko bẹjẹeji nado yọn nuhe hẹn okú wa na nawe lọ po ovi etọn po to lẹdo Owo tọn to tatọtẹnnọ gandudu dokọ Owo tọn to ayimatẹn lọ mẹ.
Eyin didọ dọ nawe owhe 29 mẹvi lọ he yin yinyọnẹn taidi Tawa po asu etọn po yin mimọ kúdaa-gbẹ̀daa to whenue ovi yẹyẹ osun atọ́n mẹvi yetọn ko basi matintọ to ohọ̀ lọ mẹ to Ahọluzangbe.
Yè dọ dọ whendo lọ yi damlọn to jijọho po ayajẹ po mẹ to Yọnnuzangbe.
Asisa de dọmọ alọwlemẹ lọ lẹ họ̀ zomọ lẹtliki tọn yọyọ (Generator) azán kleun die, bọ e to azọ́nwa to yọnnuzangbe sin zanmẹ whẹpo whẹndo lọ do yi damlọn, ayidonugo yin nina dọ, azọ̀ zomọ lẹtliki tọn lọ wẹ na ko hẹn okú wa na whẹndo lọ.
Sọgbe hẹ asisa lọ, whẹndo lọ yin mimọ to ninọmẹ sinsinyẹn mẹ to ahọluzangbe.
Ṣigba, ovi lọ ko kú, bọ alọwlemẹ lọ lẹ to kúdaa-gbẹ̀daa, bo yin bibẹ yi dotowhé Federal Medical Centre to Owo fihe yọnnu lọ wa basi matintọ te to godo mẹ.
Asisa lọ dọmọ, to whenue mẹdaho yọnnu mẹhe basi matintọ lọ tọn ma mọẹn to azọ́nmẹ to Ahọluzangbe wẹ ayi etọn majai. Enẹwutu, ewọ po azọ́nwatọgbẹ́ delẹ po yi owhé yétọn gbe nado yi pọn yé, to whenue yé jẹ owhé lọ gbe, yé mọ ohọ̀n lọ to súsú bọ yé dona gbà ohọ̀n lọ nado biọ emẹ.
"Nupaṣamẹ wẹ e yin na yé nado mọ alọwlemẹ lọ lẹ to kúdaa-gbẹ̀daa ṣigba, ovi lọ ko basi matintọ. Enẹwutu, yé bẹ yé yi dotowhé FMC tọn to afọdopolọji fihe asi lọ basi matintọ te bọ asu lọ tin to ninọmẹ sinsinyẹn de mẹ".
Ponọ-gán hodọdopọ azọ́nwhé tọn na ayimatẹn lọ, Funmilayo Odunlami, dọ dọ nugbo wẹ nujijọ lọ ṣigba, dodinnanu to yiyi do e ji.
E dọmọ, "Todin whẹ, mí ma sọgan dọ nuhe hẹn okú lọ wa. Mẹdelẹ to didọ dọ azọ̀ zomọ lẹtliki tọn lọ wẹ, ogo tata muhunu osinnọ tọn yin mimọ to ohọ̀ lọ mẹ ga. Enẹwutu, e sọgan yindọ yé vunvun muhunu osinnọ lọ do ohọ̀ lọ mẹ whẹpo do damlọn. Ṣigba dodinnanu gbẹ zindonukọn".
Asisa lẹ[jlado | jla asisado]
- Peter Dada. "Ondo man found unconscious in room, wife, baby die". — Punch. March 12, 2023
- "Ondo Couple Found Unconscious In Room, Baby Dies". — Info Daily. March 11, 2023