Dawe Ogun-nu de yin wiwle na e dohò na viyọnnu etọn owhe 19 mẹvi.

Sọn Wikilinlin

Sẹgbe, Whejisun 26, 2023

Dawe owhe 43 mẹvi de, Abiodun Oladapo ko yin wiwle gbọn Ponọ ayimatẹn Ogun tọn lẹ dali na e yin didọ dọ e dohò na viyọnnu etọn owhe 19 mẹvi.

Hoyidọtọ Ponọ lẹ tọn SP Abimbola Oyeyemi do ehe hia to hodidọ de mẹ to Sibigbe. Oyeyemi dọdọ mẹhe go yé vẹnudo lọ yin wiwle whenue nawe de, Oluwatoyin Idowu, wa jẹwhẹ to ponọ-pamẹ daho Mọwẹ tọn dọ yé do lalo dokọna ovi etọn Michael Idowu, dọ ewọ wẹ dohò na viyọnnu lọ. E dọdọ "To dodinnanu whenu, viyọnnu lọ he tin to ohò osun atọ́n tọn yigbe na Ponọ lẹ dọ Otọ́ emi tọn ko to zinzánhẹ emi sọn Afínplọsun 2022, bo sọ nọ Dobuna emi dọ e na hù emi eyin emi dọna mẹdepope gando e go.

Dile e dọ do, whenue e mọhò lọ, otọ́ etọn dọ e ni dolalo ohò lọ tọn dokọna Michael Idowu. Whenuena e yigbe godo, Ponọ-gán Mọwẹ tọn SP Folake Afeniforo, do Ponọ lẹ hlan nado jẹ godo na Otọ́ lọ e sọ yin wiwle.

Whenu yè to ohó kanbiọ ẹ e yigbe nuṣiwa etọn tọn bọ sọ dowhẹ lẹgba.

Dodinnanu he yè basi jẹnukọn dohia dọ mẹhe go yé vẹnudo lọ po asi etọn po ko klan na whenu dindẹn, bọ to whenuena asi lọ dà asu devo, dawe lọ po ovi lọ po ko to pọ́ sọn whelọnu gbọn.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Dawe_Ogun-nu_de_yin_wiwle_na_e_dohò_na_viyọnnu_etọn_owhe_19_mẹvi.&oldid=5726"