Dawe Ogun-nu de sà visunnu etọn na omẹ voovo atọ̀n yí naira livi 1.25

Sọn Wikilinlin

Sẹgbe, Whejisun 19, 2023

Ponọ wheyihọwaji Naijilia tọn lẹ he yin yinyọnẹn ganji taidi Amotekun ko wle dẹpẹ de he nọ yin yiylọdọ Daniel Chigozie na whẹsadokọnamẹ lọ dọdọ e sà visunnu etọn na omẹ voovo atọ̀n he jlo na họ̀ ẹ lẹ to ayimatẹn Ogun tọn.

Ogán ponọ lọ lẹ tọn, David Akinremi, dọdọ ponọ lọ lẹ se nudọnamẹ lọ dọ Chigozie, mẹhe yin owhe 30-mẹvi de, ko sà visunnu osùn ṣinẹnẹ-mẹvi etọn he nọ yin Daniel Chinonye Darlington na omẹ voovo atọ̀n to ofi voovo lẹ to Sango, Meiran po lẹdo Apapa tọn po to Apapa.

Eyin didọ dọ to gblagbla Avivọsun 2022 tọn po Afínplọsun 2023 tọn po ṣẹnṣẹn, e ko sà ovi lọ yí N150,000 na mẹde, bo sà yí N400,000 na mẹdevo, podọ yí N700,000 omẹ devo,

Chigozie, he nọ nọ̀ Abela, to Sango-Ota, to lẹdo gandudu dokọ̀tọn Ado-Odo tọn mẹ to ayimatẹ̀n lọ mẹ yigbe nuṣiwa lọ tọn.

Akinremi dọdọ "mẹhe yin whẹsadokọna lọ, to hodidọ etọn mẹ, yigbe sẹ́ngbigba lọ tọn podọ owhẹ̀ etọn ko yin sisẹdo ogbẹ́ National Agency for the Prohibition of Trafficking in Persons (NAPTIP) tọn nado basi dodinnanu yinukọn dogọ nado sọgan vọ ovi lọ mọyí."

Akinremi yidogọ dọdọ dodinnanu lẹ gbọn ponọ lọ lẹ dali dohia dọ Chigozie ko wleawuna aliho de he gblamẹ e nọ gbọn nado vọ ovi lọ gọ̀yi sọn mẹhe họ ẹ lẹ si to whenue e ko sà ẹ na yé godo, podọ mẹhe e sà ẹ na gbọngodo wẹ mẹde he e ylọ dọ Dr. Nosa, to Apapa.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Dawe_Ogun-nu_de_sà_visunnu_etọn_na_omẹ_voovo_atọ̀n_yí_naira_livi_1.25&oldid=17624"