Dawe Jigawa-nu de hù ede to osun ẹnẹ godo he e wlealọ

Sibigbe, Ayidosun 10, 2023

Usman Sani Goga, he yin dawe owhe 30-mẹvi de ko hù ede to lẹdo gandudu dokọ̀ tọn Babura tọn mẹ to ayimatẹn Jigawa tọn mẹ.

Matintọ lọ, he yin fọto-detọ de he yè dọdọ e wlealọ to osun ẹnẹ die, dokànkọ bo hù ede to abò ohọ̀ etọn tọn mẹ to Azangaagbe to lẹdo Akula tọn mẹ, to gandudu dokọ̀ tọn lọ mẹ.

To whenue CSC. Adamu Shehu, he yin hoyidọtọ Nigeria Security and Civil Defence Corps tọn to hodọ gando nujijọ lọ go, e dọdọ matintọ lọ ze asi etọn yì owhé dopo to hẹnnumẹ etọn lẹ tọn gbe to azán lọ gbe to nudi ogàn awe mẹ whèmẹ, bo dopa na ẹn dọ emi na lẹkọ wá plan ẹn to whèjai.

E sọ dọdọ nuhewutu e do hù ede ma ko yin yinyọnẹn, bo yidogọ dọdọ dodinnanu de to yìyì to alọnu nado yọn nuhewutu taun e do hù ede.

To whenue asi etọn to nuhe jọ lọ dọ, e dọdọ: "To nudi ogàn atọ́n mẹ whèjai, n'ylọ alokan etọn whlà susu amọ e ma ze; N'wá basi nudide lọ nado do alita-hún yì whé.

To whenue n'jẹ whégbè, n'doayiego n'ma hẹn họnhungan enẹwutu n'dè nado ylọ alokan etọn, e ma sọ ze.

Po alọgọ mẹhe ze mi wá whégbè tọn po, n'wá biọ whégbè. N'wá mọ zokẹkẹ asu ṣie tọn to ginglin, nupaṣamẹ de wẹ ehe yin na mi.

N'họnwezun biọ ohọ̀ mẹ bo wá mọ oṣiọ etọn to pipla to okàn mẹ to abò mítọn mẹ."

Asisa lẹ

• Mariam Adebukola. "Man Commits Suicide 4-Month After Wedding In Jigawa". — New Telegraph. June 10, 2023
• Olaniyi Apanpa. "Jigawa man commits suicide four months after marriage". — Punch. June 10, 2023