Dawe Delta-nu de yin wiwle na họntọn jọja mẹ tọn etọn kú na amasin adinọ Tramadol ṣiṣizan wutu to owhé etọn gbè

Tẹnigbe, Lidosun 10, 2023

Ponọ ayimatẹn Delta tọn lẹ ko wle dawe de he yin yinyọnẹn taidi Samuel na họntọn jọja mẹ tọn etọn he ṣi amasin adinọ Tramadol zan bosọ basi matintọ wutu.

Linlinwe Punch Metro dọ dọ e basi matintọ to Yọnnuzangbe , Lidosun 4, 2023 to nudi ogan 2 whemẹ tọn mẹ to owhé Samuel tọn gbè he tin to aliklan Okuku tọn ji, tòpẹvi Ovwian tọn to gandudu dokọ Udu tọn mẹ.

Kọmẹnu dopo to lẹdo lọ mẹ, he na yinkọ taidi Jane, dọna nukunmọnu mítọn dọmọ, mẹhe kú lọ he yin yinyọnẹn taidi 'Bros' yin mimọ to yọnnuzangbe lọ po amasin adinọ lọ po he whẹhutọ lọ Samuel zọ́n mẹde nado họ̀ wa na yé, ehe ewọ po họntọn etọn he basi matintọ lọ po nù.

Jane basi zẹẹmẹ ohó lọ tọn dọmọ, to whenue yé omẹ awe lẹ ko zan amasin adinọ lọ godo, Samuel yi hò bọlu to bọlugbatẹn he ma dẹn do owhé ṣigba, whenue e lẹkọwa whé, e mọ họntọn mlọnai do aigba mọmọ poun to ohọ̀ mẹ, e wa lẹblanu dọ, doto yọnnu de to lẹdo lọ mẹ wa gbejepọn bo mọdọ e ko kú.

Kọmẹnu de he ma jlo dọ yinkọ emitọn ni yin hinhẹn zun yinyọnẹn dọho do nujijọ lọ ji na linlinamẹtọ lẹ dọmọ, emi yọnẹn dọ onu ehe nkọ najọ janwẹ na aliho he mẹ Samuel po họntọn etọn po nọ nù amasin adinọ enẹ te bosọ nọ to nudawa. E hugan wẹ e dọ dile e doayiego do.

Nukunmọnu mítọn dọ dọ, Samuel yin ginglọn do ponọpámẹ Ovwian tọn kakajẹ whenue linlin ehe do yin kinkan.

Vivẹnudido lẹpo nado mọ nudọnamẹ gando nujijọ lọ go sọn ponọ-gán Ovwian Division tọn, Medaho Ayodele Kunle de yin ovọ̀, etomọṣo, Ponọ-gán hodọdopọ azọ́nwhé tọn na ponọ ayimatẹn Delta tọn, DSP Bright Edafe dọ dọ, nujijọ lọ wa aimẹ nugbo.

Asisa lẹ

• Dele Ogunyemi. "Delta man arrested after teenage friend dies of tramadol overdose in apartment". —Punch. April 4, 2023
• Adekunle Dada. "Delta man arrested after teenage friend dies of tramadol overdose in apartment". —Within Nigeria. April 4, 2023