Dawe Awọnlin-nu de yin zize yí whẹ́nukọn na e fìn ahàn ''beer'' wutu

Sẹgbe, Whejisun 26, 2023

Ibrahim Kuye, dawe owhe 28 mẹvi de, ko yin whẹ̀dana to Whẹ̀datẹn Ogba tọn he to lẹdo Ikeja tọn mẹ to ayimatẹn Awọnlin tọn mẹ nado wà to-zọ́n na ganhiho ẹnẹ na e yin whẹ̀sadokọna dọ e biọ owhé mẹdevo tọn gbe to lẹdo Egbeda Alimosho tọn mẹ bo fìn ahán (beer) Tiger tọn atọ̀n he akuẹ etọn yin N1,500.

Kuye yin hinhẹn yì owhẹ̀ nukọ̀n to azan 23tọ Whejisun, owhe 2023 tọn to Whẹ̀datọ O.A Ogunjobi nukọ̀n, bọ owhẹ̀ awè he gando ajojijẹ go yin sisadokọna ẹn gbọn ponọ̀ lẹ dali

Ponọ-gán Emeka Ehinze dọna whẹ̀datẹn lọ dọ Egbeda wẹ dawe lọ doalọ sẹ́nhẹngba lọ mẹ te, to lẹdo Alimosho tọn mẹ.

Sọgbe hẹ whẹ̀yidọtọ lọ, sẹ́nba he nọ jẹgodona sẹ́nhengba mọnkọtọn lẹ tin to Adà 306(2) po 287 po tọn mẹ to Sẹ́nwe Ayimatẹn Awọnlin tọn 2015 tọn lọ mẹ.

Whẹ̀dida lọ yì dole, "Dọ hiẹ, Ibrahim Kuye, to azan 18 Whejisun, owhe 2023 tọn mẹ, to nudi ogàn 3 whẹ̀mẹ tọn mẹ to Gamade Estate, Egbeda, Alimosho, to Whẹ̀datẹn Agbegbe Ikeja tọn, biọ owhé he tin to No. 9 Fidelix Cresent, Gamade Estate, Egbeda, to Alimosho to ayimatẹn Awọnlin tọn mẹ, gbọn hihẹ họngbo owhé lọ, he yin nutindo Uche Uba tọn, ji biọ e mẹ dali, bo gbọnmọ dali yinuwa sọta osẹ́n he tin to Adà 306 he sẹ́nba he tin to Adà 306(2) Sẹ́nwe ayimatẹn Awọnlin tọn to Naijilia 2015 tọn nọ yin yiyi do homẹ lọ".

To whenue Whẹ̀datọ lọ kànhose Kuye, e dọ dọ apọ̀ṣimẹ wẹ sisẹ́ emi nado wamọ.

Asisa lẹ

• Farida Mohammed. "Lagos man in court for stealing N1,500 beer". — Punch. March 24, 2023