Dawe Awọnlin-nu de sọ́ ohí kọmẹnu etọn kakajẹ okú na whẹho mọto-glitẹn wutu
Oguzangbe, Lidosun 25, 2023
Ponọ ayimatẹn Awọnlin tọn lẹ ko wle dawe owhe 41 mẹvi de, Tolulope Olowu, na e sọ́ ohí kọmẹnu etọn owhe 33 mẹvi he yin yinyọnẹn taidi Pablo kakajẹ oku.
Olowu po Pablo po nọ nọ First Unity Estate to lẹdo Badore Ajah tọn to ayimatẹn Awọnlin tọn mẹ tindo gbemanọpọ gando tẹnmẹ fihe ye na glin mọto do.
Gbemanọpọ lọ dekọtọn do avùn sinsinyẹn de mẹ mahopọnna vivẹnudido nado didẹ whẹho lọ kakajẹ whenue e yin sisé dọ Olowu sọ́ ohí Pablo kakajẹ okú.
Ponọ-gán hodọdopọ azọ́nwhé ayimatẹn lọ tọn, SP Benjamin Hundeyin hẹn nujijọ lọ diun na linlinkantọ Naijilia tọn to Sẹgbe.
Hundeyin dọ dọ, nujijọ lọ wa aimẹ to Sibigbe to ogan 10 afọnnu tọn mẹ to First Unity Estate to Badore-waji to Ajah.
E dọmọ, whẹhọ lọ yin didọ to ponọ-pá Langbasa tọn to Sẹgbe to nudi ogan awe zanhomẹ tọn.
Hoyidọtọ Ponọ lẹ tọn po mẹhe yè vẹnudo lọ po mẹhe basi matintọ lọ po nọ nọ fidopolọ to tòhomẹ-liho Gbadamosi tọn.
E yidogọ dọmọ, "Yé tindo gbemanọpọ de gando mọto-glitẹn to tòhomẹ-liho ji.
To nudindọn lọ whenu, Olowu sọ́ ohí Pablo po adi po to adọ̀mẹ po ohí de po bọ e sọ kú to afodopolọ ji.
"Sọgbe hẹ linlin he yin nina, ogbẹ́ ponọ dodinnanu tọn delẹ sọn ponọpá Langbasa tọn dla nujijọ lọ tẹnmẹ pọ́n bosọ de yẹdide etọn.
"Oṣiọ lọ ko yin zize yi mọgu dotowhé Yaba tọn nado gbejepọ́n bo mọdona nuhe hẹn okú wa na ẹn gan-an."
Hundeyin dọ dọ, mẹhe yin nuvẹdo lọ ko yin wiwle po adánwanu lọ po, mọdopolọ, dodinnanu gbẹ yiyi to alọnu.
Asisa lẹ
[jlado | jla asisado]- Agency Report. "Lagos man stabs neighbour to death over parking space" —Punch. April 25, 2023
- Evelyn Usman and Esther Onyegbula. "Man stabs neighbour to death over parking space" —Vanguard. April 25, 2023