Dawe Akwa Ibom-nu de hù otọ́ etọn na whẹho aigba tọn wutu

Sọn Wikilinlin

Azangaagbe, Whejisun 15, 2023

Whẹdatẹn de to ayimatẹn Akwa Ibom tọn, he to lẹdo gandudu dokọ̀ tọn Etinan tọn ko dawhẹ na dawe de he nọ yin Moses Edo, yèdọ owhe, 37-mẹvi de, nado yin hùhù gbọn kànsislokọna dali, na e hù otọ́ etọn, mẹhe yinkọ etọn nọ yin Abdon Edo.

Whẹhutọ lọ, he yin tòvi Ikot Ukobo tọn to lẹdo gandudu dokọ̀ tọn Nsit Ubium tọn, yèdọ mẹhe sọ yin zokẹkẹ-kùntọ de, ko yigbe dọ emi wẹ hù otọ́ emitọn to Liyasun 29, 2015, to owhe etọn gbe, bosọ dii do yọdo visunnu etọn tọn pa.

To whẹdida lọ he dẹ̀n to aimẹ na nudi ganhiho dopo to Oguzangbe whenu, whẹdatọ lọ, Ezekiel Enang, dọdọ whèhutọ lọ he yin ovi tintan matintọ lọ tọn, yigbe dọdọ emi yàn otọ́ emitọn yì họgodo ohọ̀ yetọn tọn bo sisẹ ota etọn do adó go, fie e kú to tẹndo dopo lọ mẹ te, na whẹho ogú aigba tọn lọ wutu.

Whẹdatọ Enang dọdọ eyin whẹhutọ de, to hodidọ etọn mẹ, yigbe nuṣiwa etọn tlọlọ podọ sọgbe hẹ whẹwhinwhẹn he tin to ai, e ko pe nado dawhẹ na mẹhe yin whẹsadokọna lọ matin whẹwhinwhẹn devo lẹ sọn mẹdevo lẹ nu.

Whẹdatẹn lọ dọdọ to whẹho mẹhuhu tọn de whenu, nuhe whẹdatọ lọ dona hẹn họnwun matin ayihaawe depope wẹ yin, whẹ̀huhu lọ dọ matintọ lọ kú podọ dọ nuhe zọ́n bọ e do kú wẹ yin nuyiwa whẹ̀hutọ lọ tọn nado hùi kavi gbleawu na ẹn sinsinyẹn.

Whẹdatẹn lọ dọdọ, gbọn ota otọ́ etọn sisisẹ do ado go, whẹhutọ lọ jlo na hùi wẹ.

Whẹdatọ Enang mọ dọ Moses huwhẹ mẹhuhu tọn bosọ degbè dọ e ni yin hùhù gbọn kànsislokọna dali kavi gbọn oyẹ́n amasin adinọ de dido na ẹn kaka jẹ kúdonu dali.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Dawe_Akwa_Ibom-nu_de_hù_otọ́_etọn_na_whẹho_aigba_tọn_wutu&oldid=5630"