Jump to content

Danuwatọ sohẹntọ lẹ tọ́navun Abuja estate bo fin omẹ ṣinẹnẹ

Sọn Wikilinlin

Sẹgbe, Whejisun 12, 2023

noicon
Icon of loudspeaker
Hoyido-kanji ehe yin bibasi sọn vọjlado nukinkan tọn mẹ he yin bibasi to 12-03-2023, enẹwutu e ma sọgan dó vọjlado dìn tọn hia todin.

Ewhe gbau gbẹtọ ṣinẹnẹ ko yin fìnfìn gbọn danuwatọ sohẹntọ le dali to Grow Homes Estate to aliho Kuchibiyi tọn ji to lẹdo kubuwa tọn to Abuja.

Danuwatọ sohẹntọ he sọha yetọn yi 20 wẹ wa gbà lẹdo lọ to nudi 11.30 zanmẹ tọn to Ahọluzangbe.

Mẹhe nọ nọ lẹdo lọ mẹ de he dọ dọ emi nọ yin Hassan dọna linlinnamẹtọ mítọn dọmọ mẹhe adángbò lọ lẹ yin finfin to ohọ̀ voovo awe mẹ to estate lọ mẹ.

E yidogọ dọmọ, nujijọ lọ ko hẹn sijọsijọ wa lẹdo lọ mẹ.

E dọmọ to Ahọluzangbe, to nudi 11.30 zanmẹ tọn mẹ, danuwatọ sohẹntọ susu lẹ wa nado wá wa danu to Grow homes estate he to aliho Kuchibiyi tọn ji. Mi se ogbe sodide tọn lẹ, sijọsijọ gbàyipe to lẹdo lọ mẹ na nujijọ lọ tọn wutu.

Afọnnu egbe, mí yi lẹdo lọ mẹ bọ yẹ́ hẹn zun yinyọnẹn na mi dọ sọha danuwatọ lọ lẹ tọn yi 20. Yé nọ biọ owhe de kavi devo nado bẹ nutindo yétọn lẹ. Yé sọ fin ewhe gbau omẹ ṣinẹnẹ gọna ovi lẹ po yọnnu lẹ po sọn ohọ̀ voovo awe mẹ to lẹdo lọ mẹ.

"Yé họnyi gbọn aliho gbemẹ tọn he ṣaka lẹdo lọ po gbetato Paze tọn dopọ. Ponọ lẹ po hihọtọ lẹdo lọ mẹ lẹ tọn po ko tin to ogbé lọ mẹ sọn afọnnu gbọn nado tẹnpọn bo whlẹ́n mẹhe yin fìnfìn lọ lẹ.

Asisa lẹ

[jlado | jla asisado]