Jump to content

Danuwatọ sohẹntọ he to awhànvọ mẹ lẹ hù omẹ awe bo fin tonudọtọ Rivers tọn

Sọn Wikilinlin

Oguzangbe, Lidosun 18, 2023

noicon
Icon of loudspeaker
Hoyido-kanji ehe yin bibasi sọn vọjlado nukinkan tọn mẹ he yin bibasi to 18-04-2023, enẹwutu e ma sọgan dó vọjlado dìn tọn hia todin.

To Tẹnigbe, mẹfintọ lẹ desó do hunkùntọ de he to kùnkùn tonudọtọ he ma ko yin yinyọnẹn de podo yanwle lọ po nado fin tonudọtọ lọ to Obiri-Kwere-waji he tin to gandudu dokọ Obio/Akpor tọn to ayimatẹn Rivers tọn mẹ.

Linlinwe Punch Metro dọ dọ, hukùntọ lọ to kùnkùn tonudọtọ jei owhé etọn gbè to ayimatẹn lọ mẹ whenue mẹfintọ lẹ glọ́n mọto etọn to awaji Obiri-Kwere tọn.

Mẹhe yin nuvẹdo lọ lẹ họ́nyi po tonudọtọ lọ po whenue ponọ lẹ tẹnpọn nado wle yé bo whlẹn mẹhe yin finfin lọ, ehe zọn bọ yé jẹ osò de do yedelẹ ji.

Mẹhe yin kunnudetọ nujijọ lọ tọn de he ma jlo dọ yinkọ emitọn ni yin hinhẹn zun yinyọnẹn na whẹho hihọ́ tọn wutu dọmọ, to awhàn lọ whenu, hunkùntọ he to kùnkùn ponọ lẹ ṣi alọ lẹ, ehe zọn bọ mọto lọ bli.

Kunnudetọ devo dọmọ, mẹfintọ lọ lẹ sọnu to awhànvọ mẹ bosọ yidogọ dọmọ, yé jẹ osò de do ohun ponọ tọn he pannukọn yẹ.

"Yè dọna mí dọmọ, mẹfintọ lọ lẹ jẹ osò de do yé. Omẹ awe ko basi matintọ to ohun lọ mẹ, ponọ awe wẹ gbleawu, hunkùntọ po medopo po. Ponọ he gbleawu lọ ko yin zize yi dotowhé na nukunpedomẹgo.

Ponọ-gán hodọdopọ azọ́nwhé ayimatẹn lọ tọn, Grace Iringe-Koko hẹn diun dọ mẹgbeyinyan lọ po okú omẹ awe tọn lọ lẹ po wa aimẹ nugbo.

Iringe-Koko dọmọ, Devizọnwatọ ponọ ayimatẹn lọ tọn ko sẹ́ ponọ vonọtaun delẹ dó nado sọgan wle mẹfintọ he họnyi lẹ podọ nado whlẹn tonudọtọ he yin finfin lọ.

"Ponọ de ma kú, na nugbo tọn, yé gbleawu wẹ, hunkùntọ lọ po hihọbasinamẹtọ mẹhe yin finfin lọ tọn po wẹ gbleawu sinsinyẹn. Yé desò dó ponọ lọ lẹ bọ yé ko sọ to nukunpedomẹgo mọyi to dotowhé he ma yin hinhẹn zun yinyọnẹn na mẹde," dile e dọ do.

Asisa lẹ[jlado | jla asisado]