Danuwatọ sohẹntọ delẹ yí gbà lẹdo Adamawa tọn bo hù omẹ atọ̀n
Oguzangbe, Lidosun 4, 2023
To Tẹnigbe, danuwatọ delẹ gbá lẹdo Dabna tọn to gandudu dokọ tọn Hong tọn mẹ to ayimatẹn Adamawa tọn mẹ bo sọ hù omẹ atọ̀n bo hẹn nutindo he akuẹ etọn yi Naira Livi susu lẹ gble.
To Liyasun, Owhe 2021 tọn, danuwatọ sohẹntọ delẹ ko yi gbà lẹdo lọ dai bo hù omẹ Konukundopo po hohonọ dopo po.
Dabna yin gbetato de he to gandudu dokọ tọn Hong tọn mẹ to Ayimatẹn lọ bo ma dògbo hẹ gandudu dokọ tọn Hawul tọn he to ayimatẹn Borno tọn mẹ.
Nado fọn do nuhe jọ ji, Ponọgan Ayimatẹn Adamawa tọn yedọ CP Afolabi Babatola, degbe dọ yè ni bẹ ponọ susu sọyi nujijọ lọ tẹnmẹ bo tẹnpọn bo wle mẹhe wa danu mọnkọtọn lẹ.
SP Suleiman Nguroje he yin hoyidọtọ na ponọ ayimatẹn lọ tọn lẹ dọ dodinnanu lẹ ko bẹ gando nujijọ lọ go. E dọho ehelẹ to whenue yé to tintẹnpọn nado gọ jijọho do lẹdo he mẹ nujijọ lọ jọ te.
Nudọnamẹ lọ hia dole, "Ponọ-gán CP na avase dọ danuwatọ he nọ ze ogbẹ́ kọmẹnu lẹ tọn do owu mẹ depope ma na yin alọkẹyi sọn din ba, mahopọnna mẹ na eyin kavi yinkọ he ena yin yi ylọdọ, osẹ́n otò lọ wle danuwatọ depope he sọ tẹnpọn nado hẹn jijọho lẹdo lọ mẹ tọn bu."
"E sọ yi dogọ dọ emi na wazọ́n po Azọ́nwhé hihọ tọn devo lẹ po nado mọ dọ hihọ he pe tin to lẹdo lọ mẹ.
Asisa lẹ
[jlado | jla asisado]- Hindi Livinus. "Gunmen invade Adamawa community, kill three" — Punch. April 3, 2023
- Onimisi Alao, Yola. "Three die as gunmen attack Adamawa community". — The Nation. April 3, 2023