Jump to content

Danuwatọ sohẹntọ delẹ hù tonudọtọ Delta tọn de, ponọ lẹ sọ wle omẹ atọ̀n

Sọn Wikilinlin

Azangaagbe, Lidosun 12, 2023

Ponọ ayimatẹn Delta tọn ko wle omẹ atọ̀n he yin nuvẹdo lẹ to kọndopọ mẹ hẹ hùhù omẹ nukundeji tonudọgbẹ́ All Progressive Congress tọn, Agbàgogán Sylvester Efeurhobo to Agbarho, gandudu dokọ Ughelli North tọn to ayimatẹn Delta tọn.

Asisa de to lẹdo lọ mẹ he ma jlo dọ yinkọ etọn ni yin zinzinjẹgbonu na whẹho hihọ́ tọn delẹ wutu dọna linlinwe Punch Metro to Tẹnigbe dọmọ mẹhe kú lọ yin hùhù gbọn mẹgbeyantọ etọn lẹ to fihe e nọ nọ to Agbarho to Sẹgbe.

Ponọ-gán hodọdopọ azọ́nwhé ayimatẹn lọ tọn, DSP Bright Edafe ko hẹn diun dọ mẹhùhù po wiwle omẹ atọ̀n he yin nuvẹdo lọ tọn po wa aimẹ to Oguzangbe.

"Nugbo wẹ, mí gbẹ to dodinnanu basi. Dile omẹ atọ̀n he yin nuvẹdo ko gbẹ yin wiwle," e dọ ehe taidi gblọndo na nuhe yin kinkanse gbọn Linlin Punch Metro dali.

Mẹhe basi lọ yin didọ nado yin azinponọ ogbẹ́ he nọ nọgodona tonugbẹ́ APC tọn to lẹdo he yin yinyọnẹn taidi Achievers Group.

Nugbonọ ogbẹ lọ tọn to lẹdo lọ mẹlẹ ko basi oylọ na hihọ́basinamẹtọ lẹ nado basi dodinnanu do whẹho lọ ji ganji bo hẹn diun dọ danuwatọ lọ lẹ yin wiwle dandan.

Asisa lẹ

[jlado | jla asisado]