Danuwatọ sohẹntọ delẹ hù ponọzọnwatọ NSCDC tọn delẹ to Imo

Ahọluzangbe, Whejisun 31, 2023

Mí sè dọ danuwatọ sohẹntọ delẹ ko hù atọ̀n to ponọ Nigeria Security and Civil Defence Corps (NSCDC) lẹ mẹ to ayimatẹn Imo tọn mẹ .

Nujijọ he wá aimẹ to ahì Ekelsu tọn mẹ to Oblangwu to Lẹdo Gandudu Dokọ̀ tọn Ngor Okpala tọn mẹ ko zọn bọ tomẹnu lẹ to sijọsijọ ji taun.

Mẹde sọn okọ́ lọ mẹ, he ma jlo dọ yinkọ emi tọn ni yin sislẹ, dọna linlinnamẹtọ mítọn de dọ afọ́nnu Tẹnigbe tọn wẹ omẹ lọ lẹ doawhàn wá bo hù ponọ lọ lẹ.

E dọ dọ ponọ NSCDC tọn lọ lẹ to yìyì to mọto de mẹ to whenue hagbẹ lọ lẹ tọ̀pọwu na yé bo hù yé, e sọ donu e go dọ hihọzọ́nwatọ susu wẹ ko wọ̀ wá lẹdo lọ mẹ to alọnu din.

Mí sè dọ oṣiọ mẹhe yin huhu lọ lẹ tọn gbẹ po to nujijọ lọ tẹnmẹ to ojlẹ he mẹ linlin ehe to yinyin kinkandai te.

Omẹ lọ dọmọ, "Ponọ NSCDC tọn atọ̀n ko yin huhu to ahì Ekelse tọn mẹ to Obiangwu to gandudu dokọ tọn Ngor Okpala tọn mẹ to Ayimatẹn Imo tọn mẹ. Yè tọ̀pọwuna yé to mọto yetọn mẹ. Oṣiọ yetọn ma ko yin bibẹ sẹ̀ kakajẹ din he mí to hodọ. Awhànfuntọ lẹ ko gọ́ okọ́ lọ mẹ."

Ṣigba to whenue yè dọhó hẹ hoyidọtọ ponọ̀ lẹ tọn ayimatẹn lọ tọn, Henry Okoye, e donu nugbonọ-yinyin nujijọ lọ tọn go dọ ponọ NSCDC tọn atọ̀n ko yin huhu, bosọ yidogọ dọ hihọzọ́nwatọ lẹ ko yì lẹdo lọ mẹ bo ko deanana nulẹ.

Asisa lẹ

• Chidiebube Okeoma. "Gunmen kill three NSCDC personnel in Imo". — Punch. March 27, 2023

• Sikiru Obarayese. "Three NSCDC personnel killed in Imo". — Tribune Online. March 27, 2023