Danuwatọ sohẹntọ delẹ hù ponọ Awọnlin tọn de bosọ fin adanwanu awe

Sibigbe, Lidosun 8, 2023

To Yọnnuzangbe, danuwatọ sohẹntọ delẹ hù ponọ-gán de he ma ko yin yinyọnẹn to aliho Ikorodu-Ijebu-Ode tọn ji to Imota, Ikorodu-waji ayimatẹn Awọnlin tọn mẹ.

Linlinwe City Round dohia dọ, whenue danuwatọ sohẹntọ lọ lẹ ko wa danu lọ godo, yé sọ bẹ oso awe sọyi, dile hagbẹ ponọ he basi matintọ lọ tọn lẹ họnyi nado whlẹn ogbẹ̀ yétọn.

To hodọdopọ hẹ nukunmọnu mitọn whenu, asisa de to lẹdo lọ mẹ dọmọ, ponọ lẹ to azọ́nwa to alihogbó ji whenue danuwatọ sohẹntọ lẹ do jẹ sodedo yé to alihogbó lọ ji.

Asisa lọ basi zẹẹmẹ dọ, mẹgbeyinyan lọ jọ to nudi ogan 7.30 whejai tọn mẹ to Yọnnuzangbe, yidogọ dọmọ, nujijọ lọ hẹn bẹwlu wa bosọ yinuwado yigọ-yigọ mọto lẹ tọn to alihogbó lọ ji.

Asisa lọ dọmọ, to Yọnnuzangbe, danuwatọ sohẹntọ delẹ yangbe ponọ lẹ tọn to aliho Ikorodu-Ijebu-Ode tọn ji to Imota bosọ deso do ponọ dopo bọ e kú.

Mi se dọ ponọ he kú lọ yin alọgọtọ ponọ-gán tọn.

To ogan he mẹ linlin ehe yin kinkan te, nukunmọnu mítọ́n dọ́ dọ, whenue ponọ he họnyi lẹ lẹkọwa nujijọ lọ tẹnmẹ, mẹdopo to yé mẹ he yè ma ko yọn fihe e te.

Nugopipe nado mọ nuyiwa mẹhe yin ponọ-gán hodọdopọ azọ́nwhé tọn, SP Benjamin Hundeyin gbọwupo, na e ma ko yinude wa gando oylọ alokan ji tọn po wekanhlanmẹ do alokan etọn ji tọn po kakajẹ whenue linlin ehe do yin kinkan.

Danuwatọ sohẹntọ ko to nuyiwado kọmẹnu lẹdo Awọnlin tọn lẹ gọna ponọ lẹ lọsu to agọe.

Mọdopolọ, to Avivọsun 25, 2022, Danuwatọ sohẹntọ lẹ hù ponọ he ma ko yin yinyọnẹn de he nọ wazọ́n to mọtoglintẹn Cassette tọn to Coker Aguda, Surulere waji ayimatẹn lọ tọn.

Asisa lẹ

• Deji Lambo. "Gunmen kill Lagos policeman, steal two rifles". —Punch. April 8, 2023
• Adekunle Dada. "Lagos: Gunmen kill policeman, steal two rifles". —Within Nigeria. April 8, 2023