Danuwatọ sohẹntọ delẹ fin ajọwatọ Kano tọn bosọ desò do mẹdopo bọ e kú

Oguzangbe, Lidosun 11, 2023

Danuwatọ sohẹntọ delẹ fin ajọwatọ Kano tọn de, Nasiru Na'ayya to gbétatò Gangarbi tọn to gandudu dokọ Rogo tọn to ayimatẹn Kano tọn mẹ.

Kunnudetọ de he yin hẹnnumẹ mẹhe go nujọ do lọ tọn de, he mọ whenue nujijọ wa aimẹ dọmọ, mẹfintọ lọ lẹ doawhàn biọ owhé dawe ajọwatọ lọ tọn gbè to Tẹnigbe sin zanhomẹ.

E dọmọ, whenue yé jẹ owhé lọ gbè, yé jẹ osò de ji dó jẹhọn mẹ, nuwiwa ehe lọ wẹ dọn ayidonugo kọmẹnu lọ lẹ tọn.

"Whenue kọmẹnu lọ lẹ tẹnpọn nado glọnalina danuwatọ sohẹntọ lọ lẹ ma nado yi po mẹhe yin finfin po, enẹwutu, yé desò dó omẹ awe, ehe hẹn okú wa na mẹdopo to afọdopolọ ji bọ mẹdopo gbleawu sinsinyẹn bo yin hinhẹn yi dotowhé na nukunpedomẹgo," dile kunnudetọ lọ dọ do.

To whenue hoyidọtọ ponọ ayimatẹn lọ tọn, SP Abdullahi Haruna do yin yiylọ, e dọmọ, nujijọ lọ wa aimẹ nugbo, ṣigba, emi to tepọn Ponọ-gán lẹdo lọ mẹ tọn nido na emi nudọnamẹ gigọ gando nujijọ lọ go.

E dopà nado na mí nudọnamẹ gigọ whedepopenu he e jẹ emi si.

E ma ko wa ehe lọ whenue linlin ehe to yinyin kinkan.

Asisa lẹ

• Tukur Muntari. "Gunmen abduct Kano businessman, shoot one dead". —Punch. April 11, 2023
• Bashir Bello. "Gunmen kidnap Kano business mogul, kill one". —Vanguard. April 11, 2023