Danuwatọ lẹ hù ponọ awe, zanṣọ́tọ dopo to Zamfara po Anambra po

Oguzangbe, Whejisun 7, 2023

To mẹgbeyinyan de whenu to Sibigbe sọta ponọpá Maru tọn, ponọgán Kazeem Kareem yin hùhù po ponọ Rabiu Umar po podọga zanṣọ́tọ dopo he yin Shehu Chika.

Dopo to mẹhe nọ nọ tòpẹvi lọ mẹ lẹ, Shehu Amadu dọmọ, danuwatọ sohẹntọ lẹ he wa gbà tòpẹvi yétọn su taun po yanwle lọ po nado fin mẹlẹ, yé deso do mẹhe to aliglọn na ye lẹ.

E dọmọ, danuwatọ sohẹntọ lọ lẹ su taun he wa gbà tòpẹvi mítọn to Sibigbe sin zanmẹ. Súsú mítọn wẹ bẹwezun nado whlẹn mide.

"To whenue ponọgán Kazeem Kareem se gando nujijọ lọ go, bleun wẹ e do sunnu hihọbasinamẹtọ delẹ po zanṣọ́tọ lẹ hlan nado yàn danuwatọ sohẹntọ lọ lẹ dogbe. Ṣigba, e blau dọ ponọgán lọ po ponọ devo he yin Rabiu Bgobiri po dopo to zanṣọ́tọ lẹ he yin Shehu Chika lọsu yin hùhù".

To zẹẹmẹ bibasi yinukọn, to whenue ye ko wa danu enẹlẹ godo, ye sọ bẹ fininọ delẹ po nududu lẹ po sọyi.

SP Mohammed Shehu he yin Ponọ-gán hodọdopọ azọ́nwhé tọn to hodidọ de mẹ, dọmọ, nugbo wẹ dọ ponọ ko yin hùhù gbọn danuwatọ sohẹntọ lọ lẹ dali bo yidogọ dọmọ, mẹhe yin hùhù lẹ wẹ yin ohia he mẹhe go ye vẹnudo lọ lẹ jodo do godo mẹgbeyinyan lọ tọn.

Asisa lẹ

• Maiharaji Altine and Ikenna Obianeri. "Hoodlums kill two cops, vigilante in Zamfara, Anambra". — Punch. March 6, 2023
• "Two Police Officers, Vigilante Killed As Bandits Attack Local Government Headquarters In Zamfara, Northwest Nigeria". — Sahara Reporters. March 5, 2023