Danuwatọ lẹ hù omẹ 50 to Sokoto, podọ omẹ 31 to Zamfara
Tẹnigbe, Ayidosun 5, 2023
Mí sè dọ hugan gbẹtọ 50 wẹ yin hùhù to lẹdo gandudu dokọtọn Gwadabawa po Tangaza tọn po to ayimatẹn Sokoto tọn mẹ dile sozetọ he go yè vẹnudo dọ yé yin danuwatọ lẹ tọ́navun to Sibigbe whèjai.
Mọdopolọ wẹ gbétanu 31 yin hùhù gbọn jaguda lẹ dali to gbetato Janbako po Sakida tọn po to lẹdo gandudu dokọtọn Maradun ayimatẹn Zamfara tọn mẹ to Sibigbe whèmẹ.
To Sẹgbe, ponọ ayimatẹn Sokoto tọn lẹ hẹn ẹn diun dọ danuwatọ lọ lẹ tọ́navun gbetato awe lẹ to ayimatẹn lọ mẹ.
Hoyidọtọ Ponọ lẹ tọn ASP Ahmad Rufa’i, dopà nado basi zẹẹmẹ gigọ́ na linlinhọsa PUNCH tọn gando nujijọ ylankan lọ go, dọ ponọ lẹ tin whẹho lọ ji.
Gbétanu de to gandudu dokọtọn Gwadabawa tọn mẹ, he ma jlo na do ede hia dọdọ gbetato awe he gbẹtọ sú te hugan to lẹdo mẹ wẹ yé tọ́navun.
Gbétanu lọ dọdọ, "Delẹ to danuwatọ lọ lẹ mẹ ko tin to agbegbe lọ mẹ jẹnukọn, to ma yọnẹn na kọmẹnu lọ lẹ whẹpo hagbẹ yetọn he po lẹ do wa to whèjai nado tọ́navun agbegbe awe lọ lẹ. "Nujijọ ylankan lọ bẹjẹeji whenuena yé ko hodẹ whèjai tọn po godo, fie yé tọ́navun gbetato awe lẹ zẹnzẹn.
To Bilingawa, nuhe ma whè sọn omẹ 18 mẹ wẹ yin hùhù whenu yé tọ́navun gbetato lọ to Sibigbe whèjai.
"Whenuena yé hù yé godo, yé domiọ́n aṣio yetọn po kanlin yetọn lẹ po, bo mọ dọ yé fiọ́ glunmuglunmu".
To gandudu dokọtọn Tangaza mẹ, nuhe ma whè sọn omẹ 37 wẹ yin hùhù bọ omẹ susu devo lẹ wẹ gbleawu whenuena yé tọ́navun agbegbe atọ̀n godo.
Sọgbe hẹ nuhe komẹnu lẹdo lọ mẹ tọn de dọ, agbegbe he yè tọ́navun lọ lẹ wẹ Raka, Raka Dutse po Filin Gawa po.
Mẹhe yin azinponọ dayi tọn gandudu dokọtọn lọ tọn, Bashar Kalenjeni dọdọ omẹ 18 wẹ yin hùhù to Raka, omẹ 17 to Filin Gawa podọ omẹ awe to Raka Dutse.
"Mí jlo na di oṣiọ lọ lẹ to zanmẹ, ṣigba danuwatọ lẹkọ bọ yan mí. Kakajẹ afọnnu ehe, oṣiọ lọ lẹ gbẹ po to flẹn" wẹ Kalenjeni dọ.
Sọgbe hẹ nuhe e dọ, owhẹ̀ he gbétanu lọ lẹ hù wẹ yindọ yé gbẹ nado sú akuẹ he yin didá na agbegbe yetọn lẹ.
Asisa lẹ[jlado | jla asisado]
- "Bandits kill 50 in Sokoto, 31 in Zamfara". — Punch. June 5, 2023
- Abubakar Auwal."Bandits Gun Down Sokoto Villagers, Disrupt Burial". —Daily Trust. June 4, 2023