Danuwatọ lẹ gbà ponọ-pamẹ Abia tọn, bo bẹ adánwanu lẹ sọyi

Yọnnuzangbe, Whejisun 2, 2023

To Oguzangbe, danuwatọ sohẹntọ lẹ gbà tatọtẹnnọ ponọ lẹ tọn Nkporo Divisional to gandudu dokọ Ohafia tọn to ayimatẹn Abia tọn, bo bẹ́ adánwanu lẹ sọn ponọpá lọ mẹ.

Linlinwe Punch Metro dọdọ danuwatọ sohẹntọ lọ lẹ hẹn mọto Toyota Sienna atọ̀n, do gbà ponọpámẹ lọ bo yangbe ponọ he to azọ́nmẹ lẹ bo biọ fihe adánwanu lẹ te bo fin oso AK-47 he sopẹ́n susu to emẹ.

Danuwatọ sohẹntọ lọ lẹ yin nuvẹdo dọ yé fin oso he ma nọ gbleawu na mẹ sọmọ de, ṣigba sọha adánwanu tọn he yin finfin ma ko yin yinyọnẹn ganji.

Nuhe yin sise wẹ yindọ ponọ he gbleawu taun to nugbajẹmẹji lọ whenu lẹ wẹ yin bibẹ yi dotowhé he sẹpọ nado mọ nukunpedomẹgo yi.

To dodinna nugbajẹmẹji lọ nado yọnẹn be nugbo wẹ dọ e jọ, ponọ ayimatẹn lọ tọn, Police Public Relations Officer Geoffrey Ogbonna, to hodidọ na linlinnamẹtọ lẹ whenu to oguzangbe, e dọmọ, danuwatọ sohẹntọ lọ lẹ to oso de poun madoalọte to whenue yé gbà ponọpamẹ lọ.

E basi zẹẹmẹ dọ, mẹhe go yè vẹnudo lọ lẹ, to whenue yé ko gbà ponọ he to azọ́nmẹ lẹ dogbé, wẹ yé tindo dotẹnmẹ nado biọ opá lọ mẹ bo fin adánwanu lẹ, bo yidogọ dọmọ gbedide yin nina nado yangbe danuwatọ sohẹntọ he wa gbà ponọpamẹ lọ.

Asisa lẹ

• Ogbonnaya Ikokwu and Sunday Nwakanma. "Hoodlums attack Abia police station, cart away weapons". — Punch. March 1, 2023
• "Hoodlums attack Abia police station". — Vanguard. March 3, 2023