Danuwatọ lẹ fin azinponọ gandudu dokọ tọn dai tọn de to ayimatẹn Kebbi tọn mẹ po omẹ 12 devo lẹ po

Ahọluzangbe, Kọ́yànsun 20, 2023

Azinponọ gandudu dokọ Ngeski tọn dai, to ayimatẹn Kebbi tọn mẹ, Garba Hassan ko yin finfin gbọn danuwatọ lẹ dali po omẹ 12 devo lẹ po to ayimatẹn Niger tọn mẹ.

Hassan po omẹ devo lọ lẹ po yin ahisinọ to ohún ahisinọ lẹ tọn mẹ, to whenue yé yin finfin to aliho Tegina-Kontagora tọn ji to ayimatẹn Niger tọn mẹ to nudi ogan 12 whémẹ tọn mẹ to Yọnnuzangbe.

Eyin didọ dọ, mẹhe go nujọ do lọ lẹpo to titọnwhẹ̀n sọn Abuja yi ayimatẹn Kebbi tọn bo tin to ohún ahisinọ lẹ tọn mẹ whenue nujijọ lọ wa aimẹ.

Eyin didọ dọ, danuwatọ lọ lẹ whlá yede do ogbé he tin ṣẹnṣẹn na Tẹgina po Kontagora po bo tọ́njẹ ohún ahisinọ tọn he mẹ Hassan po omẹ mẹdevo lẹ po te do to gbejizọnlin zin.

Nuhe yin sise wẹ yindọ, danuwatọ lọ lẹ plan mẹlọ lẹ sọn nọtẹn fihe yé yin finfin te sọyi gbémẹ, fihe ma yin yinyọnẹn de.

Ayinamẹtọ ayimatẹn-gán ayimatẹn Kogi tọn do whẹhọ linlin tọn lẹ ji, Ahmed Idris, hẹn zun yinyọnẹn dọ, nugbo wẹ dọ, nujijọ lọ wa aimẹ to hodọdopọ alokanji tọn de whenu podo nukunmọnu mítọn po

Idris dọmọ, "Mí ko se gandego, mí to dodinnanu basi do ninọmẹ he na ko dekọtọn mẹfinfin lọ ji, bosọ yidogọ dọmọ, "nulẹpo dona yin bibasi nado mọdọ Alhaji Garba Hassan mọ tundote yi."

Ṣigba, whenue mẹhe yin ponọ-gán hodọdopọ azọ́nwhe tọn na ayimatẹn Niger tọn, Wasiu Abiodun dọmọ, "N'na basi dodinnanu do whẹho lọ ji bo nasọ na mì gbèta lọ."

Asisa lẹ

• Chika Otuchikere. "Bandits kidnap Kebbi ex-LG chair, 12 others"—Punch. October 20, 2023
• Amos Tauna. "Bandits kidnap former LG chairman, 12 others in Niger"—Daily Post. October 20, 2023