Coman gọalọna Bayern nado duto PSG ji to Champions League mẹ

Yọnnuzangbe, Afínplọsun 16, 2023

Kingsley Coman wẹ do agó dopo gee lọ he Bayern yi do gbawhàn Paris Saint-Germain (PSG) tọn podo agó 1-0 po to agbàwhinwlẹn tintan bọlu-hògbẹ́ 16 tọn he gbọngodo lẹ tọn to Champions League mẹ to Oguzangbe podo bọlu-hòtọ taidi Kylian Mbappe po he yin didiọ do aihun lọ mẹ he tẹnpọn nado fli agó dopo lọ lẹkọ to ogàngodo ṣigba bo yin gbigbẹdai na e gbà nunọwhinnusẹ́n aihun lọ tọn wutu.

Coman do agó podo alọgọ sọn Alphonso Davies si to nukunwhiwhe ṣiantọntọ adà awetọ aihun lọ tọn mẹ to Parc Princes to whenuena Mbappe to awuwle nado biọ aihun lọ mẹ dile PSG taidi mẹhe biọ bẹwlu mẹ na ye gbọawupo bọlu-hòtọ he nọ do agó na ye wutu.

Mbappe podo gbẹtọgun he tin to nupọntẹn lọ mẹ lẹpo lẹndọ e ko fli agó lọ lẹkọ to nukunwhiwhe ṣinatọ̀ntọ he po na aihun lọ nido wa vivọnu dile e tẹnpọn nado jaya podo Nuno Mendes po ṣigba agó lọ yin gbigbẹdai na bọlu-hòtọ Portugal-nu lọ ko gbà nunọwhinnusẹ́n aihun lọ whẹpo ye do dó agó.

Bayern fó aihun lọ podo bọlu-hòtọ ao po to whenuena Benjamin Pavard yin didesẹ sọn aihun lọ mẹ, aigba aihun lọ ma fó do ganji na PSG.

Asisa lẹ

• "Coman fires Bayern to away win against PSG in Champions League". — Vanguard. February 14, 2023