Colombia hò Nigeria, bo penugo nado jẹ adà godo tọn agbàwhinwhlẹn U17 World Cup tọn

Yọnnuzagbe, Kọ́yànsun 27, 2022

Naijilia ma penugo nado jẹ adà vivọnu U17 Women's World Cup tọn to whenue yé yin hihò gbọn Colombia dali po agó 6-5 po to whenue yé hò penalty to Goa, India.

Adà tangan agbàwhinwhlẹn lọ tọn fó po agó 0-0 po.

Josephine Edafe po Comfort Folorunsho po wẹ hò penalty awe tintan he bọlu-hògbẹ́ Naijilia tọn lẹ hò ṣigba bo ma do agó depope, enẹgodo Edet Offiong, Edidiong Etim, Miracle Usani, Shakirat Oyinlola, po Taiwo Afolabi po hò yetọn lẹ bo do agó.

Colombia wá dù to agbàwhinwhlẹn lọ ji to whenue Gabriela Rodriguez, Stefania Perlaza, Mary Alvarez, Linda Caicedo, Juana Ortegon, po Mary Espitaleta po do agó yetọn lẹ, ṣigba Yesica Munoz ma do agó etọn.

Asisa lẹ

• "U17 World Cup: Nigeria suffer heartbreak as Colombia advance to final" — GOAL. October 26, 2022