Choupo-Moting gọalọna Bayern nado hò PSG bo sẹtẹn yi adà bọlu-hògbẹ́ ṣiantọn he gbọngodo lẹ tọn to Champions League mẹ

Ahọluzangbe, Whejisun 10, 2023

Eric Maxim Choupo-Moting do agó sọta bọlu-hògbẹ́ etọn dai tọn dile Bayern Munich hẹn todido PSG tọn to Champions League mẹ wa opodo to Azangaagbe dile yé hò yé podo agó 2-0 po to agbàwhinwlẹn yetọn mẹ nado pegan na adà bọlu-hògbẹ́ ṣinatọ̀n he gbọngodo lẹ tọn.

Choupo-Moting he gbá bọlu hẹ PSG to agbàwhinwlẹn godo podo agó 1-0 tọn po to Champions League he wayi mẹ gú do alọ Bayern tọn mẹ to Lisbon to owhe 2020 dile e do agó to whenuena Thomas Muller hẹn Marcus Verratti biọ bẹwlu mẹ to otẹn penalty yetọn mẹ.

Serge Gnabry he yin didiọ do aihun lọ mẹ wẹ do agó to nukunwhiwhe godo tọn to aihun lọ mẹ nado gbawhàn agó 3-0 tọn na alemọtọ Champions League tọn na whla ṣidopo.

Bayern jẹ adà bọlu-hògbẹ́ ṣiantọntọ he gbọngodo lẹ tọn debọdodego na owhe ẹnẹ to whenuena PSG na nọte na owhe dopo devo nado tindo dotẹnmẹ lọ nado mọ ale lọ yi na whla tintan tọn.

Asisa lẹ

• "Choupo-Moting helps Bayern past PSG, into Champions League last eight". — Vanguard. March 8, 2023
• "Choupo-Moting strikes as Bayern cruise past PSG". — Reuters. March 8, 2023