Chelsea xò West Ham agó 5-0 nádó xɛ aga jɛ otɛn cinawetɔ to EPL mɛ

Sọn Wikilinlin
     

Cet article est écrit en Gun (Bénin)

Oguzangbe, 7 nuxwàsun 2024

To sɛgbe, Chelsea dó nugokpikpé yětɔn xya ɖilě yé xò West Ham agó 5-0 to Stamford Bridge nádó xɛ aga jɛ otɛn cinawetɔ to todóxukanji English Premier League tɔn mɛ.

Mauricio Pochettino to vivɛnudó nádó ɖiɔ linlɛn Todd Boehly xe nyí dókpó to hagbɛ́ xɛ tindó bɔlu-xògbɛ́ lɔ nádó ná ɛ lɛblanulɔkɛyi awetɔ nádó ɖéanana bɔlu-xògbɛ́ lɔ to oxwe xe ná bɔdego mɛ.

Pochettino lɔsu yigbe ɖɔ "E má tin to xuhlɔn emitɔn mɛ nádó basí ɖiɖé" cigbǎ ni é tɛnkpɔn nádó hɛn bɔlu-xògbɛ́ lɔ kpégan ná adà ɖékpókpé to agbàhwinhwlɛn "Europé" tɔn be é vi bibasí nádó glɔnalina azɔ̌nhinhɛndóte étɔn.

Cole Palmer wɛ ze Chelsea dó nukɔn to nukúnxwixwe 15tɔ mɛ xe nyí agó 21tɔ étɔn to oxwe éxe mɛ.

Conor Gallagher dó agó awetɔ ná Chelsea to nukúnxwixwe 30tɔ mɛ to hwenuena Kurt Zouma xe nyí bɔlu-xòtɔ́ West Ham tɔn gbá bɔlu ná adà awetɔ to ma nywɛ mɛ.

Noni Madueke dó agó atɔ̀ntɔ to nukúnxwixwe 36tɔ mɛ kpódó ota kpó sɔ́n alɔgɔ Thiago Silva ɖé.

Nicolas Jackson dó agó ɖevo to nukúnxwixwe 48tɔ mɛ kpódó alɔgɔ sɔ́n Madueke ɖé.

Bɔlu-xòtɔ́ otɛn nukɔntɔn ná Senagal sɔ dó agó ɖevo to nukúnxwixwe 10tɔ xe kpó mɛ.

Gúgú West Ham tɔn sɔgan nyíuwa dó sɔgɔdó anaɖémɛtɔ West Ham tɔn ji xe nɔ nyí David Moyes xe ko nyí xòɖɔɖégɔ gbɔn xodótɔ bɔlu-xògbé lɔ tɔn dali.

West Ham xe wa tin to otɛn cinɛnɛ mɛ ko to xòɖɔ xɛ Julen Lopetegui xe nyí anaɖémɛtɔ ɖayǐ tɔn ná Wolves nádó wa jɛ otɛn Moyěs tɔn mɛ, mɛxe sin azɔ̌n ná wa vivɔnu to vivɔnu oxwe lɔ tɔn.

Asisa lɛ[jlado | jla asisado]

Gọẹ yi sọn "https://guw.wikinews.org/w/index.php?title=Chelsea_xò_West_Ham_agó_5-0_nádó_xɛ_aga_jɛ_otɛn_cinawetɔ_to_EPL_mɛ&oldid=19062"