Chelsea ko jẹ awhàngba ji dile yé hò Crystal Palace 1-0
Azangaagbe, Alunlunsun 18, 2023
Chelsea gbawhàn tintan to owhe 2023 mẹ dile Kai Havertz do agó podo ota po sọta Crystal Palace nado hò yé podo agó 1-0 po to Sẹgbe to aihun English Premier League tọn mẹ.
Potter podo bọlu-hòtọ etọn lẹ po wa London podo tukla podọ po obu po na yé ko gú aihun awe do alọ Man City tọn mẹ bosọ gú do alọ Fulham lọsu tọn mẹ ehe yin aihun atọ̀n ehe yé ko gú dopọji.
Adà tintan aihun lọ tọn fó do zẹnzẹn dile bọlu-hògbẹ́ awe lẹ tẹnpọn nado do agó ṣigba bo gbọawupo.
Kai Havertz tẹnpọn nado de dẹ̀hodo lọ sẹ to nukunwhiwhe 64tọ mẹ dile e zlọn daga hugan bọlu-hòtọ depo lẹpo nado do agó na Chelsea podo ota po ehe ze Chelsea do nukọn.
Sọn whenẹnu gbọn wẹ Crystal Palace ko to tintẹnpọn nado fli agó lọ lẹkọ nado mọdọ emi tọ́n sọn Stamford Bridge podo e whegbau agó (points) dopo po.
Kepa Arrizabalaga podo bọlu-hòtọ he to otẹn godo tọn na Chelsea, ehe Thiago Silva nọ nukọna do vivẹnu ganji to aihun lọ whenu nado glọnalina Crystal Palace ma nado fli agó dopo lọ lẹkọ.
Asisa lẹ[jlado | jla asisado]
- Efosa Taiwo. "Chelsea back to winning ways, pip Crystal Palace 1-0". — Vanguard. January 15, 2023