Chelsea hò Dortmund nado jẹ adà bọlu-hògbẹ́ ṣinatọ̀n he gbọngodo lẹ tọn to Champions League mẹ

Yọnnuzangbe, Whejisun 9, 2023

Chelsea zindonukọn to vivẹnudido yetọn mẹ dile yé hò Borrusia Dortmond podo agó 2-0 po to nọtẹn bọlu-gbigbá Stamford Bridge to nado sẹtẹn yi adà bọlu-hògbẹ́ ṣinatọ̀n to Champions League mẹ podo vogbingbọn agó 2-1 to Oguzangbe.

Raheem Sterling podo Kai Havertz po he gbá penalty whla awe wẹ do agó nado de tukla sẹ sọn okọ̀ anademẹtọ yetọn Graham Potter.

Azọ́n anademẹtọ lọ tọn ko jẹ bẹbẹnu nado flẹ to agbàwhinwlẹn susu ehe e ko gú godo podo awugbopo nado hẹn ale wa na ogbẹ́ lọ to whenuena yé ko zán akuẹ ehe sin sọha yi pọun livi 500 (dọla Amẹlika tọn livi 600) do họ bọlu-hòtọ yọyọ lẹ to ojlẹ dopo gee mẹ.

Chelsea duto aihun atọ̀n ji to aihun 16 mẹ bo tin to otẹn aotọ to Premier League mẹ ehe zọn bọ yé yawu yin didesẹ sọn agbàwhinwlẹn whegbe tọn lẹ mẹ.

Ṣigba delẹ to bọlu-hòtọ nukundeji yetọn lẹ sọawuhia nado tindo mahẹ to agbàwhinwlẹn European Cup tọn mẹ podo yanwle lọ po nado mọ ẹn yi na whla atọ̀ntọ.

Asisa lẹ

• Chelsea beat Dortmund to reach Champions League quarter-finals". — Vanguard. March 7, 2023
• AFP. "Chelsea see off Dortmund to reach Champions League quarter-finals". — The Guardian. March 8, 2023