CBN ko bẹ azọ́n jẹeji gando nukúnpipedo tintin to aimẹ akuẹ hoho lọ tọn go, akuẹsẹdotẹn lẹ ze yanwle osẹ awe tọn dai

Ahọluzangbe, Whejisun 24, 2023

To Yọnnuzangbe, Akuẹsẹdotẹn daho Central Bank of Nigeria ko azọ́n jẹeji nado to akuẹ hóhó lọ de tọn na akuẹsẹdotẹn flinflin lẹ dile aṣẹpatọ gandudu lọ tọn lẹ to tintẹnpọn nado hẹn awufiẹsa he akuẹ hinhán lọ ko hẹn wa na tovi lẹ wa vivọnu.

Akuẹsẹdotẹn daho lọ ko degbena akuẹsẹdotẹn flinflin lẹ nado wa bẹ akuẹ naira hóhó N1000, N500 po N200 gbe po bosọ jẹ nina ahisinọ yetọn lẹ ji, sọgbe hẹ opli he akuẹsẹdotẹn daho gán Godwin Emefiele, basi po nukọntọ akuẹsẹdotẹn flinflin lẹ tọn po to Azangaagbe.

Dodinnanu linlin-kàntọ lẹ tọn dohia dọ akuẹsẹdotẹn flinflin lẹ ko mọ akuẹ hóhó lọ lẹ yí to akuẹsẹdotẹn daho Naijilia tọn si.

Etomọṣo, nukọ̀ntọ nukúndeji akuẹsẹdotẹn lẹ tọn lẹ dọdọ e na gbẹ yí sọ osẹ awe whẹpo ninọmẹ lọ na do pọnte, bosọ yidogọ mẹhe nọ tò do họngbo akuẹsẹdotẹn lẹ tọn ji lẹ gán nọma busẹ kaka na osẹ awe dogọ. Yé sọn lẹn nado nado akuẹ he yì N500,000 na ahisinọ dopo to osẹ he ja.

"Ninọmẹ lọ ma na diọ to afọdopolọji. Diọdo lọ na yin mimọ bẹsọn Ahọluzangbe. To popolẹpo mẹ, nu lẹ na gọ do dagbe to osẹ dopo kavi awe gblamẹ", dile dopo to ogán akuẹsẹdotẹn flinflin lẹ tọn de dọ na linlinhọsa PUNCH tọn do na e ma do aṣẹ nado dọho do whẹho lọ ji.

Asisa lẹ

• Oyetunji Abioye. "Old notes circulation: CBN begins monitoring today, banks set two-week target". — Punch. March 24, 2023
• Nduka Chiejina and Tony Akowe. "Naira scarcity: CBN begins allocation of more cash to banks". — The Nation. March 24 2923