Brighton hò Liverpool 2-1 to agbàwhinwlẹn FA Cup tọn mẹ

Oguzangbe, Alunlunsun 31, 2023

Liverpool ko bẹ owhe lọ jẹeji to alihò ylankan de mẹ dile yé gú aihun devo to Sẹgbe to whenuena Brighton hò yé 2-1 ehe zọn bọ yé do yin didesẹ sọn agbàwhinwlẹn FA Cup tọn mẹ.

Agó dagbe he Kaoru Mitoma do to ogàngodo wẹ hẹn otẹn atọ́ntọ yọnbasi na adà Seagullss tọn lẹ to agbàwhinwlẹn lọ mẹ.

Liverpool wẹ jẹnukọn to agbàwhinwlẹn lọ whenu podo agó Harvey Elliott tọn po ṣigba bo ko gbawhàn dopo gee sọn aihun ṣidopo he ye ko tindo mahẹ te mẹ.

Lewis Dunk fli agó lọ lẹkọ na Brighton whẹpo adà tintan aihun lọ tọn do wa vivọnu podọ ye jẹ nado mọ awhàngbigba he yin nina ye lọ gbọn vivẹnudido Mitoma tọn dali.

Bọlu-hòtọ Japan-nu lọ du ale bọlu he Pervis Estupinan gbá hlan ẹn tọn, bosọ ze e gbọn ota na Joe Gomez whẹpo do dó agó to nukunwhiwhe 92tọ mẹ.

Liverpool tin to otẹn ṣiẹnẹtọ mẹ to todohukanji bọlu-hòtọ Premier League lẹ tọn ji podo agó (points) 21 po do to godo na Arsena.

Champions League kẹdẹ wẹ yin agbàwhinwlẹn he po na yé to owhe ehe me to whenuena ye yin didesẹ sọn FA Cup mẹ godo.

Asisa lẹ

• "Brighton beat holders Liverpool 2-1 in FA Cup". — Punch. January 29, 2023