Benzema do agó atọ̀n dile Madrid hò Barca nado jẹ adà bọlu-hògbẹ́ he gbọngodo lẹ tọn to agbàwhinwlẹn Copa tọn mẹ

Yọnnuzangbe, Lidosun 6, 2023

Karim Benzema do agó atọ̀n dile Madrid zinpo agó 4-0 do Barcelona ji to Camp Nou nado jẹ adà bọlu-hògbẹ́ he gbọngodo lẹ tọn to Copa del Rey mẹ to Azangaagbe podọ vogbingbọn agó 4-1 to lẹndopọmẹ.

Vinicius Junior wẹ do agó tintan whẹpo adà tintan aihun lọ tọn do wa vivọnu dile adà Carlo Ancelotti tọn lẹkọwa sọn gúgú agó 1-0 tọn to agbàwhinwlẹn tintan whenu dile Benzema do agó atọ̀n dogọ to adà awetọ aihun lọ tọn mẹ nado duto yé ji.

To whenuena e do agó atọ̀n to vivọnu osẹ he wayi tọn sọta Real Valladolid to agbàwhinwlẹn La Liga tọn mẹ, Benzema sọ vọ nudopolọ basi gbọn dido agó atọ̀n devo nado dowinyan Xavi Hernandez he yin anademẹtọ Barcelona tọn to hodọtọ yetọn lẹ nukọn ehe sin sọha yi 95, 000.

Los Blancos tin to godo na agbàwlẹntọ yetọn podo agó (points) wiawe po to La Liga mẹ bosọ yin hihò gbọn Barca dali to agbàwhinwlẹn godo tọn to Spanish Super Cup mẹ to Alunlunsun ṣigba bo wa gbawhàn todin nado sọgan jẹ adà godo tọn to agbàwhinwlẹn Copa tọn mẹ na whla tintan tọn sọn 2014 dile yé na to pipe hẹ Osasuna.

Asisa lẹ

• "Benzema hits hat-trick as Madrid smash Barca to reach Copa final".– Vanguard. April 5, 2023
• "Benzema hits treble as Madrid smash Barca to reach Copa final".– Punch. April 5, 2023