Bayern lẹkọ do otẹn aga tọn mẹ to Bundesliga podo awhàngbigba sọta Stuttgart po

Sọn Wikilinlin

Sẹgbe Whejisun 5, 2023

Bọlu-hògbẹ́ huhlọnọ Europe tọn Bayern Munich ko lẹkọ do otẹn aga tọn mẹ to Bundesliga podo agó 2-1 po sọta Stuttgart nado mọ agó (points) atọ̀n yi to agbàwhinwlẹn yetọn mẹ.

Bọlu-hògbẹ́ lọ jẹ nukọn to nukunwhiwhe 39tọ mẹ to whenuena bọlu-hòtọ godo tọn Matthjis de Ligt gbá ṣọti sọn fidindẹn de whẹpo Eric Maxim Choupo-Moting he doalọwemẹ to osọ he wayi mẹ nado wazọ́n hẹ ogbẹ́ lọ na owhe dopo dogọ yidogọna agó yetọn to nukunwhiwhe 62tọ mẹ podo alọgọ sọn Jamal Musiala podo Thomas Muller po.

Juan Jose Perez fli agó dopo lẹkọ na Stuttgart to nukunwhiwhe awetọ whẹpo aihun lọ do wa vivọnu mẹ dile Bayern Munich jẹ nukọn bosọ mọ agó (points) atọ̀n yi to to nọtẹn Mercedes-Benz Arena mẹ.

Awhàngbigba lọ sẹ́ adà Julen Nagelsmann tọn yi otẹn aga tọn mẹ to todohukanji Bundesliga tọn mẹ ehe zọn bọ yé do jẹnukọn na Borrusia Dortmond podo vogbingbọn agó tọn po to aihun 23 ehe ye omẹ awe lẹ ko gbá.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Bayern_lẹkọ_do_otẹn_aga_tọn_mẹ_to_Bundesliga_podo_awhàngbigba_sọta_Stuttgart_po&oldid=3451"