Barcelona hò Real Madrid podo agó 1-0 po to aihun tintan yetọn to adà bọlu-hògbẹ́ ẹnẹ he gbọngodo lẹ tọn to Copa Clasico mẹ
Sibigbe, Whejisun 4, 2023
Eder Militao sin agó sọta bọlu-hògbẹ́ edetiti tọn wẹ na Barcelona awhàngbigba agó 1-0 tọn sọta Real Madrid to aihun tintan yetọn to adà bọlu-hògbẹ́ ẹnẹ he gbọngodo lẹ tọn to Copa del Rey mẹ to Yọnnuzangbe.
Catalans lẹ lẹkọ wa sọn gúgú aihun awe mẹ debọdodego matin bọlu-hòtọ dagbe yetọn lẹ taidi Lewandowski, bọlu-hòtọ otẹn ṣẹnṣẹn mẹ tọn Pedri podo Ousmane Dembele po.
To whenuena yé yin didesẹ sọn agbàwhinwlẹn Europa League mẹ godo gbọn Manchester United dali to osẹ he wayi bosọ gú do alọ Almeira tọn mẹ ehe yin gúgú tintan yetọn sọta ogbẹ́ lọ zọn bọ yé yi adi do hò Madrid bo hẹn ye nado lẹkọ yi whe podo bẹwlu po.
Agó Militao tọn waimẹ to nukunwhiwhe 26tọ mẹ sọta bọlu-hògbẹ́ edetiti tọn bo gbọnmdali ze Barcelona do nukọn dile yé to tenọpọn adà awetọ aihun lọ tọn to Lidosun azán 5tọ to Camp Nou.
Asisa lẹ[jlado | jla asisado]
- "Barcelona beat Real Madrid 1-0 in first leg of Clasico Copa semi-final". — Vanguard. March 2, 2023
- Nicholas Mendola and Joe Prince-Wright. "Barcelona wins first leg of Copa del Rey El Clasico semi over Real Madrid". — NBC Sports. March 2 2023