Bọlu-hòtọ yọnnu France tọn lẹ gbawhàn to anademẹtọ yọyọ Herve Renard glọ

Sibigbe, Lidosun 8, 2023

Bọlu-hòtọ yọnnu France tọn lẹ gbawhàn agó 5-2 tọn sọta Colombia to aihun tintan yetọn mẹ to Ahọluzangbe to anademẹtọ yọyọ Herve Renard glọ.

Renard he deanana bọlu-hòtọ sunnu Saudi Arabia tọn lẹ to bọlu-hihò lẹdo aihọnpe he waimẹ to Qatar to owhe he wayi, yi azọ́n sọn Corinne Diacre si to osun he wayi to whenuena e yin didesẹ gannugannu na nuhlundọ sọn bọlu-hòtọ etọn lẹ de godo gando alihò azọ́nwiwa etọn go.

Eugenie Le Sommer do agó awe nado gọalọna France nado gbawhàn to agbàwhinwlẹn he waimẹ to Clermont-Ferrand, dile yé to awuwle na bọlu-hihò lẹdo aihọnpe yọnnu lẹ tọn he na bẹjẹeji to Liyasun to New Zealand podo Australia po.

Renard basi oylọ na Le Sommer nado hopodona ogbẹ́ lọ mẹ to owhe awe godo ehe bọlu-hòtọ lọ gblọn bosọ na ẹn dona agó atọ̀n to gblagbla nukunwhiwhe ṣiantọn mẹ to adà awetọ aihun lọ tọn mẹ.

Agó etọn lẹ wẹ whla nuṣiwa bọlu-hòtọ Wendie Renard tọn ehe zọn bọ Colombianu lẹ do fli agó awe lẹkọ.

Delphine Cascarino do agó awe na France bọ Grace Geyoro lọsu do agó etọn to ogàngodo adà awetọ aihun lọ tọn mẹ.

Asisa lẹ

• "French women win on new coach Herve Renard’s debut".– Vanguard. April 7, 2023
• "Football: French women easily beat Colombia on new manager's debut".– France 24. April 7, 2023