Bọlu-hòtọ atọ́n wẹ do agó atọ̀n atọ̀n dile Sassuolo gbawhàn agó 22-0 tọn to aihun de whenu

Sọn Wikilinlin

Oguzangbe, Liyasun 18, 2023


Sassuolo he tin to adà Serie A tọn ko va adà bọlu-hògbẹ́ Real Vicenza sudo podo agó 22-0 po to aihun ayidedai de tọn mẹ jenukọna ojlẹ he agbàwhinwlẹn na bẹjẹeji te dile bọlu-hòtọ atọ́n do agó atọ̀n atọ̀n to aihun lọ mẹ. Sassuolo bẹ aihun lọ jẹeji podo agó tintan yetọn po to nukunwhiwhe awetọ mẹ bosọ gbọnmọdali jenukọna yé dile adà tintan aihun lọ tọn fó podo agó 10-0 po.

Adà Neroverdi tọn lẹ do agó 12 dogọ to adà awetọ aihun lọ tọn whenu nado duto agbàwlẹntọ yetọn he wa podo linlẹn lọ po nado do nuhia Sassuolo ṣigba bo gú to alihò ylankan de mẹ ehe ko biọ kàndai mẹ Awhàngbigba lọ yin bẹjẹeji ojlẹ dagbe tọn de na Sassuolo dile yé na gbọnmọdali jẹ awuwle ji to whenuena e yindọ otẹn 13tọ mẹ wẹ yé fó do to Seria A mẹ to ojlẹ he wayi.

Sassuolo do huhlọn yetọn hia dile Domenico Beradi do agó awe bọ Andrea Pinamonti do agó atọ̀n. Janis Antiste podo Nedim Bajrami po do agó atọ̀n atọ̀n bọ Kristian Thorstvedt do agó ẹnẹ to adà awetọ aihun lọ tọn mẹ podọ Samuele Mulattieri do agó atọ́n to nukunwhiwhe 32 gblamẹ to alihò he whanmẹ de mẹ.

Nupaṣanamẹnu de wẹ yin nado yọnẹn dọ adà bọlu-hògbẹ́ awe lọ lẹ ko nọ whlẹnagbà hẹ yẹdelẹ to agbàwhinwlẹn ayidedai tọn lẹ whenu ṣigba bo nọ gú do alọ Sassuolo tọn mẹ to gbesisọmẹ na owhe susu lẹ. To 2022, Sassuolo hò Real Vicenza podo agó 10-1 po bọ Fiorentina lọsu sọ duto yé ji podo agó 7-0 p. Adà bọlu-hògbẹ́ lọ tọn to apawhe hùwaji-whèyihọ Modena tọn podọ to gblagbla owhe 2017 podo 2019 po Sassuolo gbawhàn Real Vicenza podo agó 5-0 podo 9-0 po.

Sassuolo na bẹ agbàwhinwlẹn Serie A 2023 jẹ 2024 tọn jẹeji to owhe yetọn gbe sọta bọlu-hògbẹ́ Atlanta tọn to azán 20tọ Liyasun tọn.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Bọlu-hòtọ_atọ́n_wẹ_do_agó_atọ̀n_atọ̀n_dile_Sassuolo_gbawhàn_agó_22-0_tọn_to_aihun_de_whenu&oldid=18566"