Jump to content

Bénin ɖé oyɛ́ Suer Eagles tɔn bo ɖuto Naijilia ji ná hwla tintan

Sọn Wikilinlin
     

Cet article est écrit en Gun (Bénin)

oguzangbe 11, ayidosun 2024

Bénin xò Super Eagles ná hwla tintan to tɛnigbe kpódó agó 2-1 kpó exe ná hɛn veawu ná Naijilia nádó kpégan ná bɔlu-xixò lɛdó ayihɔ́n kpé lɔ.

Naijilia tindó agó atɔ̀n gee sɔ́n agbàxwihwlɛn ɛnɛ to bɔlu-xixò lɛdó ayihɔ́n kpé lɔ mɛ kpóɖɔ éxe sɔgan hɛn yé gú sɔ́n agbàxwihwlɛn bɔlu-xixò lɛdó ayihɔ́n kpé tɔn xe ja mɛ.

Super Eagles wá agbàxwihwlɛn lɔ mɛ kpódó hudó ahwàngbigba tɔn kpó to hwenuena yé nɔ ozɛn kpódó South Africa kpó godo to azán xe wayi lɛ mɛ.

Aihun lɔ bɛjɛeji dó ɖagbe mɛ ná Naijilianu lɛ ɖilě yé dó agó to nukúnxwixwe 25tɔ mɛ nádó jɛ nukɔn. Raphael Onyedika bɔlu-xògbɛ́ Club Brugge tɔn wɛ hùn dótɛnmɛ lɔ dóte ná Super Eagles kpódó agó ɖagbe xe é dó kpó.

Cigbǎ kpódó adɔgbigbo kpó, bɔlu-xògbɛ́ Cheetahs Benin tɔn xe nyí anaɖéna gbɔn Gernot Rohr xe nyí anaɖémɛtɔ bɔlu-xògbɛ́ Naijilia ɖayǐ tɔn fli agó lɔ lɛkɔ to nukúnxwixwe 37tɔ gbɔn Jodei Dossou dali sɔ́n nuciwa bɔlu-xòtɔ́ otɛn godo tɔn ná Super Eagles lɛ.

Yé yidógɔna nugbajɛmɛji Naijilia tɔn to adà tintan aihùn lɔ tɔn mɛ hwɛkpɔ Steve Mounie dó kún ován vivɔnu adà lɔ tɔn.

To bɛjɛeji adà awetɔ tɔn, Naijilia basí ɖiɔdó ɖélɛ nádó gɔ jɛ nukɔn. Cigbǎ bɔlu-xògbɛ́ Cheetahs lɛ dóvivɛnu tlatla nádó mɔ ɖokpó to ahwàngbigba yětɔn xe klo húgǎn yi to kànɖayǐ bɔlu-xixò tɔn mɛ.

Kɔɖétɔn tɛnigbe tɔn hɛn Naijilia jɛ otɛn 5tɔ to kpikpli C mɛ ná bɔlu-xògbɛ́ xe ná kpégan ná agbàxwihwlɛn bɔlu-xixò lɛdó ayihɔ́n kpé oxwe 2026 tɔn.

Asisa lɛ

[jlado | jla asisado]
Gọẹ yi sọn "https://guw.wikinews.org/w/index.php?title=Bénin_ɖé_oyɛ́_Suer_Eagles_tɔn_bo_ɖuto_Naijilia_ji_ná_hwla_tintan&oldid=19214"