Azọ́nwhé he nọ ṣi miyọn lẹ ṣi miyọn daho he bẹ to hotẹli he tin to agahún-glintẹn Awọnlin tọn mẹ

Azangaagbe, Whejisun 22, 2023

Azọ́nwatẹn Ayimatẹn Awọnlin tọn he nọ gọalọ nado ṣí miyọ́n to nugbajẹmẹji whenu, LSFRS, dọ to Tẹnigbe dọ yé ko penugo bo ṣí miyọ́n he wujẹgbonu to Airport Hotel he tin to Alihogbó Obafemi Awolowo tọn ji lọ.

Anadenanutọ LSFRS tọn, Adeseye Margaret, hẹn ehe zun yinyọnẹn to hodidọ de whenu to Tẹnigbe, whenue miyọ́n ko yin ṣiṣi godo.

E hẹn ẹn họnwun dọ miyọ́n lọ, he wujẹgbonu to nudi ogàn 12:50 mẹ to Tẹnigbe lọ ko yin ṣíṣí po kọdetọn dagbe po bọ mẹdepope ma gbleawu.

Apadewhé hodidọ lọ tọn hia dole, "Miyọ́n lọ he gando owhé de he tindo họnu 11 go, ko yin alọhẹndotena ma nado hẹnnugble zẹ họnu ṣidopo he e ko du lẹ go, bọ owhe he gando e go lẹ po hotẹli vẹ̀npẹ̀n lọ lọsu po yin whinwhlẹngan,

"Dile e yin do dọ dodinnanu ko bẹjẹeji gando nue dọ̀n miyọ́n lọ wá, mí ma ko se dọ mẹdepope gbleawu to nujijọ ylankan ehe mẹ gba".

Asisa lẹ

• Uthman Salami. "Fire service puts out Lagos Airport hotel inferno". — Punch. March 21, 2023
• Olasunkanmi Akoni. "Fire guts Airport Hotel in Lagos". — Vanguard. March 20, 2023