Azọ́nplọntọ de họ̀nyi po osun-awe-mẹvi ogán etọn tọn po to Kwara

Sọn Wikilinlin

Azangaagbe, Avivọsun 1, 2023

Mí sè dọ ovivu osun awe mẹvi dé e he yinkọ etọn yin nina taidi Usman Idris ko yin fìnfìn ze sọn onọ̀ etọn si whenu yé to hùnwhẹ whè fifo tọn basi to wehọme de to Ilorin, ayimatẹn Kwara tọn mẹ.

Asisa he yọnẹn gando whẹho lọ go dọna linlin-kàntọ Punch tọn lẹ dọ nujijọ wa aimẹ to Sibigbe to ogàn atọ̀n mẹ whèmẹ whenue nuwiwa de to yìyì to wehọpa he tin to lẹdo Deeper Life tọn mẹ, to atín-zẹtẹn (Sawmill), to Ilorin.

Onọ̀ ovivu lọ tọn he yin didohia taidi Sekina ṣigba e diyín taidi Iya Mujidat dọdọ ovi emi tọn yin fìnfìn ze gbọn yọnnu dé he hodo emi yì hunwhẹ tadona wehọmẹ tọn he dopo to ovi emi tọn lẹ mẹ to bibasi.

E dọdọ mẹhe go ye vẹnudo lọ yin mẹhe dite bosọ kọ́nka. E dọdọ, "yọnnu lọ he yin klistiani de wa emi de to nudi osẹ̀ awe die dọ emi jlo na plọn de yé nọ basi Kla linfínnọ voovo lẹ do. N'yigbe nado plọn ẹn ṣigba n'ma yọn hẹnnumẹ etọn lẹ depope kavi fihe e nọ nọ podọ n'ma do wekun alokan etọn tọn.

"E hodọ mi yì nuwiwa lọ tẹnmẹ bosọ biọ nado gọalọna mi do hẹn ovi yẹyẹ lọ whenue n hodo visunnu ṣie mẹho nado yí gbedewema etọn.

"Enẹ yin ojlẹ godo tọn he n'mọ ẹn gbọn godo. Mí ko yì jẹwhẹ̀ whẹho lọ tọn to ponọ-pamẹ ‘B’ Division tọn to Surulere, Ilorin ṣigba mí ma ko sè nudepope sọn yé de." Hoyidọtọ Ponọ lẹ tọn SP Ajayi Okasanmi hẹn ẹn dium dọ nujijọ wa aimẹ. Okasanmi dọdọ yé to nuhe go yè pé lẹpo wa nado wle yọnnu lọ bosọ gọ ovi lọ yi.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Azọ́nplọntọ_de_họ̀nyi_po_osun-awe-mẹvi_ogán_etọn_tọn_po_to_Kwara&oldid=18652"