Ayimatẹn-gán Abiodun ko yin vivọ́ de wlá awetọ to Ogun

Tẹnigbe, Whejisun 20, 2023

noicon

Hoyido-kanji ehe yin bibasi sọn vọjlado nukinkan tọn mẹ he yin bibasi to 20-03-2023, enẹwutu e ma sọgan dó vọjlado dìn tọn hia todin.

Wikilinlin-hihia

Ayimatẹn-gán ayimatẹn Ogun tọn, Dapo Abiodun, ko yín vivọ́ de wlá awetọ na owhe ẹnẹ devo.

To Sẹgbe, ogbẹ́ he nọ penukundo vòbibla Naijilia tọn go yedọ Independent National Electoral Commission (INEC) lá Abiodun taidi mẹhe du to vòbibla ayimatẹn-gán tọn he wa aimẹ to Sibigbe ji whenue e mọ ovò 276,298 yí.

Abiodun duto Oladipupo Adebutu he yin mẹhe tonudọgbẹ PDP tọn de nado du ayimatẹn-gán to ayimatẹn lọ mẹ he mọ ovò 262,383 yí po mẹdide 12 devo lẹ po ji.

Abiodun duto Adebutu ji po sọha ovò 13,915 tọn po. Tonudọgbẹ́ APC tọn duto gandudu dokọtọn Odeda, Egbado-North, Egbadó-South, Ewekoro, Ijebu-North, Ijebu-Ode, Ipokia, Abeokuta-North, Ado-Odo/Ota, Ifo, Obafemi-Owode po Imeko-Afon tọn po mẹ to ayimatẹn lọ mẹ.

Tonudọgbẹ́ PDP tọn duto gandudu dokọtọn Abeokuta-South, Ogun Waterside, Ijebu-North/East, Ikenne, Ijebu-East, Remo-North, Odogbolu po Sagamu tọn po mẹ.

Asisa lẹ[jlado | jla asisado]

Daud Olatunji. "Gov Abiodun re-elected in Ogun". — Punch. March 19, 2023
James Sowole. "Gov Abiodun Reelected in Ogun". — ThisDay. March 19, 2023