Awhangán dai tọn Diya ko basi matintọ whenu e tindo owhe 79

Tẹnigbe, Whejisun 27, 2023

Awhangán Oladipo Diya, he yin ogán azọ́nwatọ lẹpo tọn dai tọn to togán dai tọn Awhangán Sani Abacha glọ ko yin matintọ.

Okú etọn yin lila gbọn visunnu etọn ahọ́vi Oyesinmilola Diya dali to hodidọ de mẹ to Sẹgbe afọnnu. E hia dole dọ, "To yinkọ whẹndo Diya tọn lẹ po to owhé podọ to tògodo po mẹ, Mí lá okú asu, Otọ́, Otọ́ daho, mẹdaho Donaldson Oladipo Oyeyinka Diya (rtd) GCON, LLB, BL, PSC, FSS, mni tọn. Otọ́ vivẹ mítọn basi matintọ to afọnnu azan 26tọ Whejisun 2023. Mí jale bọ flin mí to odẹ mìtọn lẹ mẹ dile mí to aluẹmẹ to ojlẹ ehelẹ mẹ dó. Tito nuwiwa tọn lẹ na yin lila na mi to gbesisọ mẹ".

Ogán azọ́nwatọ lẹpo tọn dai tọn lọ yin jiji to azan 3tọ́ Lidosun 1944 to Odogbolu ayimatẹn Ogun tọn mẹ. Diya biọ wẹhọmẹ awhanfuntọ lẹ tọn Nigerian Defence Academy, to Kaduna bo sọ hoavun to towhan Naijilia tọn whenu.

E yin dide di ogán azọ́nwatọ lẹpo tọn to 1993. Taidi ogán azọ́nwatọ lẹpo tọn, ewọ wẹ mẹbọdo togán Naijilia tọn go to Abacha sọn 1994. Diya sin asi, Folashade, kú to Nuwhàsun 2020.

Asisa lẹ

• Sharon Osaji. "Ex-CGS Oladipo Diya dies at 79". — Punch. March 26, 2023
• "Abacha’s ex-Chief of General Staff, Gen Oladipo Diya is dead". — Vanguard. March 26, 2023