Awhànfuntọ lẹ hù whẹndo he bẹ omẹ atọ̀n hẹn de sudo to Niger

Tẹnigbe, Whejisun 27, 2023

Awhànfuntọ dé to ayimatẹn Niger tọn mẹ to Ahọluzangbe hù omẹ atọ̀n to whẹndo dé he sọn Benẹ mẹ bo to gandudu dokọ tọn Borgu tọn mẹ to ayimatẹn Niger tọn mẹ.

Azinponọ na gandudu dokọ tọn lọ yedọ Alhaji Suleiman Yarima he mọ nujijọ lọ vẹ kọmẹnu Babana tọn lẹ dọ ye ni ma do whẹgbe blo na Azọ́nwhé awhànfuntọ lẹ tọn to Naijilia ko bẹ dodinnanu jẹeji gando whẹho lọ go.

E sọ dike na mẹhe go nujọdo lẹ yọnen dọ ye dona dó osẹ́nlọ mẹhe wá nulọ lẹ go.

To whenuena yé kanhose hoyidọtọ na ponọ ayimatẹn lọ tọn lẹ he yin DSP Abiodun Wasiu, e ma dọho depope na whẹho awhànfuntọ lẹ tọn wẹ wutu.

To whenuena kọmẹnu dé he nọ yin Audu Alkali to hodọ gando whẹho lọ go, edọ omẹ atọ̀n lọ lẹ yín hùhù to whenue yé tọ́n sọn ahìmẹ wa jei whegbe.

"Awhànfuntọ lọ lẹ hù omẹ atọ̀n sunnu dopo po asi etọn po ovi pẹvi yetọn po to whenuena ye gọ sọn ahìmẹ to Benẹ mẹ fihe ye yi Sanu te"

Sunnusi lọ po awhànfuntọ lọ lẹ po wẹ to nudọn bọ awhànfuntọ lọ tẹnpọn nado sinadán naẹn, bo gbọnmọ dali desò do oye omẹ atọ̀n lẹ to ma-yọnẹnmẹ bo sọ hù yemẹpo to afọdodopoloji.

Yarima dọdọ whẹnsagun lẹ ko yin didohlan Niganji mẹlẹ to otò Benẹ tọn mẹ nado yi fahomẹ na hẹnnumẹ mẹhe go nulọ jọdo lẹ tọn. Bo sọ yí dogọ dọ dodinnanu lẹ to yíyí to alọnu nado yọ́n nuhe dọn whẹho lọ.

E dọmọ: N'to vivẹ́ mẹlẹpo nado yi agbọji, bo ma dawhẹna yedelẹ blo, na aṣẹpatọ lẹ ko yin didè nado penukundo owhẹ̀ lọ go.

Podọga, awhànfuntọ he wazọ́n to Babana to azán lọ ji lẹ ko yin wiwle bo ko yin zize do gánpamẹ Awhànfuntọ lẹ tọn to Minna.

To whenuena hò yin kinkanse hoyidọtọ na ponọ ayimatẹn lọ tọn lẹ he yin PPRO Abiodun Wasiu, e dọdọ emi ma tin to otẹ̀n nujọnu tọn mẹ nado dọho gándo awhànfuntọ lẹ go gbà.

Asisa lẹ

• Aisha Wakaso. "Soldier kills family of three in Niger". — Punch. March 25, 2023
• Justina Asishana. "LG chairman sues for calm as soldier kills three in Niger". — The Nation. March 25, 2023