Awhànfuntọ lẹ funawhàn hẹ danuwatọ lẹ bo hù mẹdopo, bo whlẹn omẹ 14 to Kaduna
Sẹgbe, Whejisun 5, 2023
Awhànfuntọ lẹ kọnawudopọ podo awhànfuntọ devo he yin ogbẹ́ ẹnẹtọ Operation Whirl Punch po awhànfuntọ vonọtaun 167 Battalion tọn po hù danuwatọ dopo to whenue yé funawhàn hẹ yedelẹ to gandudu dokọ Chikun tọn to ayimatẹn Kaduna tọn mẹ.
Huhlọn oso he awhànfuntọ lọ lẹ to zinzán wẹ zọn bọ danuwatọ lọ lẹ do bẹwezun bo họ̀nyi.
Devizọnwatọ ayimatẹn lọ tọn na hihọ po whẹho whégbe tọn lẹ po, Samuel Aurwan wẹ hẹn ehe zun yinyọnẹn to Sibigbe, dile etlẹ yindọ, whii wẹ ete whenue nulọ lọ jọ.
Devizọnwatọ lọ sọ dọmọ, awhànfuntọ huhlọnnọ lọ lẹ whlẹn omẹ 14 he yin finfin lẹ, he bẹ sunnu ṣiẹnnẹ po yọnnu atọ́n po bo gbà fihe danuwatọ lọ lẹ nọ nọ.
Asisa lẹ[jlado | jla asisado]
- Godfrey George. "Soldiers battle bandits, kill one, rescue 14 victims in Kaduna". — Punch. March 4, 2023
- Ebunoluwa Olafusi. "Troops kill bandit, rescue 14 kidnap victims in Kaduna". — The Cable. March 4, 2023