Awhànfuntọ lẹ desò do visunnu owhe fọtọ̀n mẹvi dé po kẹkẹ afọ-atọ̀n-nọ kùntọ dé po to Awọnlin

Oguzangbe, Whejisun 7, 2023

Whẹndo visunnu owhe fọtọ̀n mẹvi dé he nọ yin Pelumi Sulaimon tọn ko yin bibẹ do aluẹmẹ to whenue awhànfuntọ he yin Operation MESA lẹ desò doe bọ e sọ kú to Makoko, lẹdo dé to Yaba to ayimatẹn Awọnlin tọn mẹ.

Sọgbe hẹ linlin he tọ́n sọn kọmẹnu he to lẹdo lọ mẹ lẹ si, Tonudọtọ lẹ wẹ haya awhànfuntọ lọ lẹ bo to zinzan ye sọta agọjẹdomẹtọ yetọn lẹ to lẹdo lọ mẹ to Sẹgbe azan koatọ́n-nukundopotọ Afínplọsun tọn.

Linlinwe Punch Metro se dọ to whenuena awhànfuntọ lọ lẹ biọ lẹdo lọ mẹ, yé to osò de pe mapote, to whenẹnu wẹ sopẹ́n jẹ Pelumi he jlo nayi hò ahan-vivi na huntọn etọn lẹ he wa nado wa jaya hẹẹ to hùnwhẹ jijizan etọn tọn to gbe lọ gbẹ go.

Awhànfuntọ ehelẹ he jaguda tonudọtọ lẹ tọn he yin yinyọnẹn taidi Nuru to bibẹ pe sọ desò do kẹkẹ afọ-atọ̀n-nọ kùntọ dé he yin yinyọnẹn poun taidi Aloma he ye lẹndọ eyin dopo to agọjẹdomẹtọ e mitọn lẹ mẹ bọ e sọ kú ga.

Asisa lẹ

• Dayo Oyewo. "Soldiers shoot 15-year-old boy, keke operator dead in Lagos". — Punch. March 6, 202
• Wisdom Ikediashi. "In Lagos, soldiers shoot 15 years old keke operator to death". — The Street Journal. March 6, 2023