Awhànfuntọ dé gblehomẹ bo hù awhàngán dé, awhànfuntọ awe devo lẹ bosọ hù ede ga

Azangaagbe, Whejisun 8, 2023

To Sẹgbe he wayi, Lance Corporal Nwobodo Chinoso, awhànfuntọ de, hù ede to whenue e ko desò bo hù omẹ atọ̀n godo, to nọtẹn Forward Operating Base tọn he tin to Rabah, to ayimatẹn Sokoto tọn mẹ.

Linlinhọsá Punch Metro tọn sè dọ mẹhe yin huhu lọ lẹ bẹ Awhangán Sam Oladapo he yin Anadenanutọ Forward Operating Base lọ tọn to awhànpa Rabbah tọn mẹ, ogán Iliyasu Inusa, po awhànfuntọ devo he nọ yin Attahiru Mohammed po hẹn.

Mí sè sọn awhànfuntọ lẹ de dọ nudindọ̀n de he gando Oladapo go wẹ dlẹnkàn kaka yì jẹ oku awhànfuntọ lọ lẹ tọn mẹ.

Yé dọ dọ to nudindọ̀n lọ whenu, Inusa po Mohammed po dademẹ bọ Chinoso desò do omẹ atọ̀n podọ to enẹgodo, e desò do ede.

Punch Metro sè dọ, e ma ko pé osun ẹnẹ din, he awhànfuntọ de desò do alọgọnamẹtọ de po awhànfuntọ devo po bosọ gbleawuna agahún-kuntọgbẹ́ etọn na agahún United Nation tọn to ayimatẹn Borno tọn mẹ, bọ nujijọ ehe lọsu do jọ.

Asisa lẹ

• Solomon Odeniyi and Animasahun Salman. "Soldier goes berserk, kills commander, two others, shoots self". — Punch. March 7, 2023
• Philip Nwosu. "Soldier goes berserk, kills Commander, self and two others in Sokoto". — The Sun. March 6, 2023