Awhànfuntọ ẹnẹ wẹ kú bọ omẹ 13 gbleawu to asidan he jọ to Bauchi

Yọnnuzangbe, Whejisun 30, 2023

Linlin yin nina dọmọ, omẹ ẹnẹ wẹ kú to asidan sinsinyẹn he jọ to azangaagbe sin whemẹ to kilomẹtlu 21 gbétatò Lago tọn to ali Darazo-Kari tọn ji to gandudu dokọ Darazo tọn to ayimatẹn Bauchi tọn mẹ.

Omẹ wiatọ̀n devo lẹ gbleawu sinsinyẹn to asidan he jọ po mọto dopo kẹdẹ po.

Eyin didọ dọ, yé tọ́nwhẹ̀n jei Abuja to mọto ahisinọ tọn de mẹ, Toyota wewe he tindo nọmba: ASU 363-XA na azọ́ndenamẹ vonọtaun de whenue nujijọ lọ wa aimẹ.

Ogán ogbẹ́ Federal Road Safety Corp ayimatẹn Bauchi tọn, Yusuf Abdullahi hẹn zun yinyọnẹn na nukunmọnu mítọn dọ, asidan lọ jọ to 1.36 whemẹ tọn he bẹ sunnu awhànfuntọ 17 hẹn.

Abdullahi yidogọ dọmọ, tlolo he mí sè nudonamẹ gando asidan lọ go, azọ́nwatọ hatọ mítọn lẹ yi nujijọ lọ tẹnmẹ to afọdopolọji nado whlẹn mẹlọ lẹ.

"Yé bẹ ye sọyi dotowhé daho Darazo tọn na nukunpedomẹgo podọ nado mọdona nudevo lẹ.

"Dotowhé lọ wẹ doto hẹn zun yinyọnẹn na yé dọ omẹ ẹnẹ ko kú, oṣiọ lọ lẹ yin bibẹ do dotowhé lọ.

"Omẹ 13 he po lẹ gbleawu sinsinyẹn gọna awugble ota tọn po ohú winwẹ́n po.

"Mọtofọ lọ he gbà wẹ zọ́n bọ asidan lọ do jọ.

"Nudọnamẹ he yin bibepli wẹ yindọ, awhànfuntọ lẹ wẹ yé bo jei Abuja na azọ́ndenamẹ vonọtaun de bọ asidan lọ do jọ, enẹwutu, mẹdelẹ yin bibẹ yi dotowhé daho Bauchi tọn nado mọ nukunpedomẹgo yi."

Asisa lẹ

• Armstrong Bakam. "Four soldiers killed, 13 others injured in Bauchi crash".– Punch. March 29, 2023

• Hafsat Abdulhamid. "Four die, 5 injured in Bauchi auto crash".– Daily Post. March 29, 2023